amalinks wokungena

Breaking News

UGumbo Kuzicukuthwane zeVID: Tshiyanani Lenkohlakalo


Umphathintambo obona ngokuhamba kwezimota uMnu Joram Gumbo ulaye iziphathamandla zogatsha lweVID ngoLwesithathu ukuthi zixotshe izisebenzi ezingethembekanga.

Ekhuluma leziphathamandla lezi eHarare, uMnu Gumbo usole umkhuba wenkohlakalo wona athi ubhahile emahofisini eVID elizweni lonke jikelele.

Uthe kulezisebenzi zalolugatsha ezibikwa zifeyilisa abantu abadinga izithupha zokutshayela izimota ngabomo nxa bengazifumbathisanga.

Wengeze wathi ezinye ingozi zomgwaqo zibangelwa ngabatshayeli abayabe bethole ama-licence ngokufumbathisa iziphathamandla zeVID bona bengakwazi ukutshayela.

Ngakho, uGumbo uxwayise izicukuthwane zalolugatsha ukuthi ziqede ukungethembeki lokhu ngokuxotsha zonke izigilamkhuba.

Zingehluleka ukwenza lokhu phakathi kwamaviki ambalwa alandelayo, uthe uzaxotsha zona umsebenzi.

Umeli wesigaba seBinga North edale lephalamende njalo elilunga leMDC-T uMnu Prince Dubeko Sibanda utshele iStudio 7 ukuthi kaboni uGumbo esenelisa ukuqeda ukungethembeki lokhu kuVID.

please wait

No media source currently available

0:00 0:01:25 0:00

Facebook Forum

XS
SM
MD
LG