amalinks wokungena

Breaking News

Ugwaze Wabulala Ilunga Ledale Lephalamende kweleBotswana


Kulesizalwane seZimbabwe ebesingumalusi kweleBotswana esibotshiweyo sisetheswa icala lokubulala umqatshi waso obelilunga ledale lephalamende.

Amapholisa athi umsolwa uleminyaka engamatshumi amathathu lane njalo udabuka ePlumtree.

Athi ugwaze uMnu Isaac Davids wambulalela epulazini lakhe phandle kweGaborone encedisana lomunye njalo umsolwa wakweleBotswana oleminyaka yokuzalwa engamatshumi amathathu lantathu ngeSonto.

Ababili laba bebengabelusi epulazini lika Davids, yena obelilunga ledale lephalamende ekubandla elibusayo eleBotswana Democratic Party (BDP).

Bazamiswa emthethwandaba kuliviki. Amapholisa athi kakethuli amagama abo ngoba esacwayisisa loludaba.

Zinengi izizalwane zeZimbabwe esezimiswe emithethwandaba kweleBotswana kunyanga ezedluleyo zisetheswa amacala etshiyeneyo.

Abasolwa laba bagoqela uMnu Bhekizwe Nkomazana yena owayesebenza engadini yomlungu owetheswa icala lokumtshontshela izigidi zamapula.

Kulomunye njalo owayelisotsha eZimbabwe olokhe elinde ukuthoniswa kwecala lakhe lokutholakala elezikhali zempi.

KuloMnu Limukani Moyo njalo owabotshelwa ukusebenza njengegqwetha kodwa engazange awufundele lomsebenzi.

please wait

No media source currently available

0:00 0:02:30 0:00

Facebook Forum

XS
SM
MD
LG