amalinks wokungena

Breaking News

Uhlelo Lwe Indigenisation Luphazamisa Ukuvuselelwa Komnotho - Tsvangirai


Inhloko kahulumende uMnu Morgan Tsvangirai uthi umthetho obamba amabhizimusi akwamanye amazwe asebenzela elizweni ngamandla ukuba athengisele abensundu amashares, uphazamisa imizamo yokuvuselela umnotho.

Ekhuluma lentathelizindaba ngoLwesithathu ngohambo lwakhe eMelika ngeviki edluleyo, uTsvangirai uthe osomabhizimusi ahlangana labo kulelolizwe bamtshela ukuthi balesifiso sokuvula amabhizimusi abo eZimbabwe, kodwa basola umthetho weIndigenisation and Economic Empowerment Act.

Uhulumende uthi umthetho lo ujonge ukufaka inotho ezandleni zabensundu, kodwa uTsvangirai uyawusola kakhulu esithi utshekile njalo iZanu PF ifuna ukuwusebenzisa ukutshapha umnotho, wona ovele ungamanga kuhle.

Isiphathamandla seMDC kaTsvangirai njalo engusomabhizimusi uMnu Abednico Bhebhe uthi umthetho weIndigenisation and Economic Empowerment Act lo uzabhidliza umnotho welizwe ngamandla.

XS
SM
MD
LG