HARARE —
Uhulumende weMelika unxunsa abasakhulayo abaphakathi kweminyaka engamatshumi amabili lanhlanu kusiya kwengamatshumi amathathu lanhlanu ( 25 – 35 ) emazweni awezwekazi le Africa ukuba baqale ukubhalela ukungena kuhlelo lwalonyaka olwe2014 Obama Administration’s Young African Leaders Initiative ( YALI ). Loluhlelo lukhangelelwe ukusa abasakhulayo abedlula amakhulu amahlanu kwele Melika ngomnyaka ukuyakwenza izifundo zobukhokheli lokuthuthukisa abanye ngenhloso yokutholisa abatsha amathuba okuphatheka ekuthuthukiseni amazwe abadabuka kuwo.
Lokhu kuphume emhlanganweni lentathelizindaba ecingweni owe Africa yonke lamuhla phezu kwaloluhlelo lwe Obama Administration’s Young African Leaders Initiative (YALI) owenzelwe emahofisini ohlangothi olubona ngezokusebenzelana lozulu esigodlweni sommeli weMelika eZimbabwe.
Ababili, abakhokhele lumhlangano babalisa ophethe isikhundla somqondisi obona ngendaba zezwekazi leAfrica esigodlweni sikamongameli weMelika, umnumzana Grant Harris kanye lophethe isikhundla sokuba ngumqondisi wokusebenzelana kweMelika lamanye amazwe womhlaba, uShannon Green.
Abazaphatheka kuloluhlelo laba bazakuba se Melika okwamaviki ayisithupha njalo bekhangelelwe ukuba basebenzise ulwazi abazaluthola sebebuyele emazweni abo.
Kusenjalo uNkosikazi Green uthi uhulumende wakhe ukhangele ukuba loluhlelo luzaphathisa ukuthuthukisa ukusebenzelana phakathi kwabatsha laba abavela emazweni ehlukeneyo.
Loluhlelo lwe Obama Administration’s Young African Leaders Initiative luyindlela yokuthuthukisa inkokheli zezwekazi le Africa kunkokheli yakusasa.
Umuntu oyedwa kwabatsha abathathu abezwekazi le Africa babikwa bengabontanga esukela kuminyaka elitshumi kusiya kwengamatshumi amabili lane ( 10 – 24) njalo phose isilinganiso sokungamatshumi ayisithupha ekhulwini- 60% lenani labantu beAfrica bengabaleminyaka ephansi kwengamatshumi amathathu lanhlanu.
Umongameli Barack Obama wakwele Melika usungule uhlelo lwe YALI ngomnyaka ka 2010 ngenjongo yokuphathisa abatsha abazinkokheli emizameni yabo yokuthuthukisa umnotho welizwe, ukuqinisa imisebenzi yokukhankasela umbuso kazulu kanye lakundaba zokulondoloza ukuthula emazweni awezwekazi le Africa.
Loluhlelo lwe Washington Fellowship yilona siqokoqela saloluhlelo lwe YALI.
Lugqitshwa mhlaka ka 27 kuyonale inyanga ka Zibandlela uhlelo lwe 2014 Obama Administration’s Young African Leaders Initiative ( YALI ) kulabo abafisa ukubhalela ukungena kilo.
Lokhu kuphume emhlanganweni lentathelizindaba ecingweni owe Africa yonke lamuhla phezu kwaloluhlelo lwe Obama Administration’s Young African Leaders Initiative (YALI) owenzelwe emahofisini ohlangothi olubona ngezokusebenzelana lozulu esigodlweni sommeli weMelika eZimbabwe.
Ababili, abakhokhele lumhlangano babalisa ophethe isikhundla somqondisi obona ngendaba zezwekazi leAfrica esigodlweni sikamongameli weMelika, umnumzana Grant Harris kanye lophethe isikhundla sokuba ngumqondisi wokusebenzelana kweMelika lamanye amazwe womhlaba, uShannon Green.
Abazaphatheka kuloluhlelo laba bazakuba se Melika okwamaviki ayisithupha njalo bekhangelelwe ukuba basebenzise ulwazi abazaluthola sebebuyele emazweni abo.
Kusenjalo uNkosikazi Green uthi uhulumende wakhe ukhangele ukuba loluhlelo luzaphathisa ukuthuthukisa ukusebenzelana phakathi kwabatsha laba abavela emazweni ehlukeneyo.
Loluhlelo lwe Obama Administration’s Young African Leaders Initiative luyindlela yokuthuthukisa inkokheli zezwekazi le Africa kunkokheli yakusasa.
Umuntu oyedwa kwabatsha abathathu abezwekazi le Africa babikwa bengabontanga esukela kuminyaka elitshumi kusiya kwengamatshumi amabili lane ( 10 – 24) njalo phose isilinganiso sokungamatshumi ayisithupha ekhulwini- 60% lenani labantu beAfrica bengabaleminyaka ephansi kwengamatshumi amathathu lanhlanu.
Umongameli Barack Obama wakwele Melika usungule uhlelo lwe YALI ngomnyaka ka 2010 ngenjongo yokuphathisa abatsha abazinkokheli emizameni yabo yokuthuthukisa umnotho welizwe, ukuqinisa imisebenzi yokukhankasela umbuso kazulu kanye lakundaba zokulondoloza ukuthula emazweni awezwekazi le Africa.
Loluhlelo lwe Washington Fellowship yilona siqokoqela saloluhlelo lwe YALI.
Lugqitshwa mhlaka ka 27 kuyonale inyanga ka Zibandlela uhlelo lwe 2014 Obama Administration’s Young African Leaders Initiative ( YALI ) kulabo abafisa ukubhalela ukungena kilo.