Abenhlanganiso yeNational AIDS Council in Zimbabwe bathi sebecabange ukusabalalisa uhlelo lokuhlola igcikwane ebantwini.
Uhlelo lolu oluqhusthwa kusihlwa olulesihloko esithi ‘Moonlight Testing’, lwenziwe kulandela ukuphumulela kwalo koBulawayo leHarare.
Lokhu kuvezwe emhlanganweni lentathelizindaba oqoqwe ngabohlangothi olubona ngezamalungelo oluntu kundaba zegciwane le ngculaza olwe HIV/AIDS Human Rights and Law Project olungaphansi kweZimbabwe Lawyers for Human Rights (ZLHR).
Emhlanganweni wangoLwesibili, bekukhangelwa ukuphumelela kokusebenza kohlelo lukahulumende kwezokudinga indlela zokulwisana lokusabalala kwegciwane elizweni kanye lengculaza, olwe Zimbabwe National HIV and AIDS Stratergic Plan 2015-2018.
Umqondisi kwezokuhlolisisa inhlelo eziqhutshwa ngabe National Aids Council, uMnu. Amon Mpofu, utshele umhlangano lo ukuba luthathelwe phezulu loluhlelo osoluleminyaka embili.
Uthe ngaphambilini bekunzima ukufinyelela abantu njengoba besebenza isikhathi esehlukene lesabanengi.
AbeNAC bathi loluhlelo lwamukelwe ngenjabulo enkulu nguzulu ikakhulu njalo babona engani luzanceda njalo ukunqabela ukumemetheka komkhuhlane wengulamakhwa.
