amalinks wokungena

Breaking News

'Uhulumende Kumele Enqabele Udlakela Kukhetho Oluzayo'


Mandela Washington Fellows

Abanye babasakhulayo beZimbabwe abakuhlelo lweMandela Washington Fellowship eMelika bathi uhulumende kumele angenele ngamandla ukuze kwenqatshelwe udlakela kukhetho oluzayo.

Ekhuluma ekugqibeni izifundo zabo zobukhokheli phansi kwaloluhlelo eWilliam & Mary College ngoLwesithathu, olwela amalungelo oluntu uMnu Dzikamai Bere uthe kulesidingo sokuthi ikomishini ekhangelane lokukhumisana umlotho iqhube inhlelo ezikhuthaza ukuthula kukhetho luka2018.

Ukhuthaze njalo uzulu weZimbabwe jikelele labenhlanganiso ezizimeleyo ukuthi labo baphatheke ngokugcweleyo kuhlelo lokukhuthaza ukuthula.

“Uhlelo lwePeace and Reconciliation Commission ngenye yendlela esingazisebenzisa ukulwisana lodlakela,” kutsho uMnu Bere.

please wait

No media source currently available

0:00 0:02:44 0:00

“Kodwa kunengi esingakwenza endaweni ezitshiyeneyo; kungaba ngabenhlanganiso ezizimeleyo, abamasonto, intathelizindaba kumbe izisebenzi zikahulumende. Asisebenzeni sonkeni.”

UBere loMnu Godfrey Kurauone ngabanye babasakhulayo abangamatshumi amabili lanhlanu abagqibe izifundo zabo eWilliam & Mary University.

UKurauone yena ngukhansila webandla leMDC-T esigabeni seMasvingo.

Ekhuluma emkhosini munye, uKurauone uthe abasakhulayo kumele bakhokhele emizameni yokwenqabela udlakela ngoba yibo abavame ukusetshenziswa ukutshaya abantu ngesikhathi sokhetho.

Abasakhulayo beZimbabwe abakuhlelo lweMandela Washington Fellowship bangamatshumi ayisithupha njalo nxa behlangana labanye ontanga abavela emazweni aseAfrica atshiyeneyo bangena kunkulungwane eyodwa.

Bazakuthi gwaqa eWashington DC ngempelaviki sebevela emakolishini eMelika atshiyeneyo sebezogqiba loluhlelo babe sebephindela emakhaya ngoLwesine oluzayo.

Facebook Forum

XS
SM
MD
LG