amalinks wokungena

Breaking News

Uhulumende uthi Kalamali Yokubhadala oDokotela


Iziphathamandla zikahulumende ngoLwesine zenze umhlangano labodokotela asebelamaviki amathathu bekhalale umsebenzi phezu kweholo.

Kodwa akulalutho olubambekayo oluphume kulumhlangano.

Odokotela batshele iziphathamandla lezi ukuthi bafuna iholo labo lengezelelwe njalo kulungisiswe izikhalazo zabo zonke; kodwa uhulumende uthe kalayo imali.

Abongi lababelethisi labo baphakathi kokukhalala umsebenzi, osokutshiye izigulane zisesimeni esibi ezibhedlela zikahulumende.

Umkhokheli wenhlanganiso yabodokotela iZimbabwe Hospital Doctors' Association, uMnu Edgar Munatsi, uke wathathwa ngamapholisa ngoLwesine emini embuzisisa ngokukhalala umsebenzi lokhu.

Ubuye wakhululwa kungelacala alethesiweyo.

Udokotela Joshua Sibanda, osebenza kweleSouth Africa, utshele iStudio 7 ukuthi uhulumende kumele alungisise loludaba ngokuphangisa.

please wait

No media source currently available

0:00 0:02:29 0:00
Lapho esitholakala khona
XS
SM
MD
LG