amalinks wokungena

Uhulumende Ucwayisisa Umonakalo Wezulu Lesikhukhula

  • Ntungamili Nkomo

Abaphathintambo bakahulumende ngoLwesihlanu bebecwayisisa umonakalo obangelwe lizulu lesikhukhula lona eselibulele abantu abangamakhulu amabili lamatshumi amane lasithupha, 246.

Umphathintambo obona ngokwakhiwa kwezabelo, uMnu. Savior Kasukuwere, lomphathintambo okhangelane lezamabutho, uMnu. Sydney Sekeramai, bethekelele eMasvingo leMatabeleland.

Ababili laba babhode ezabelweni zombili ngehelicopter lommeli weUnited Nations Development Program (UNDP), uMnu. Bishow Parajuli.

I-UNDP incedisa uhulumende weZimbabwe ukudinga imali edlula izigidi ezilikhulu ezancedisa abantu abakhukhulelwe imizi kanye lokwakha amabholoho lemigwaqo edilizwe lizulu.

Ekhuluma leStudio 7, umphathintambo obona ngokulungiswa kwemigwaqo, uMnu. Joram Gumbo, uxwayise uzulu ukuthi engeqi imfula egcweleyo.

Amazwi kaGumbo agcizelelwe ngummeli weBinga North edale lephalamende, uMnu. Prince Dubeko Sibanda, oveze ukuthi njengamalunga eMDC-T eMatabeleland North, sebeqoqe uncedo lokudla abazaluhambisa eTsholotsho.

ITsholotsho ngesinye sezigaba zeMatabeleland ezibe lomonakalo omkhulu ngenxa yezulu lesikhukhula. Ezinye zigoqela iHuwana, ePlumtree, iFilabusi leMberengwa.

Facebook Forum

XS
SM
MD
LG