amalinks wokungena

Breaking News

Uhulumende Ukhuthazwa Ukwethula Umthetho oweNational State of Emergency


Unkosazana Esther Vongai Zimudzi womkhankaso we Present-Danger #Coronavirus Zimbababwe Campaign

AbePresent-Danger #Coronavirus Zimbabwe Campaign, batshele umhlangano lentathelizindaba owenzelwe eMedia Centre, eHarare, ngokukhathazeka kwabo ngokuphatha kukahulumende amalungiselelo okuvimba ingozi engehlela ilizwe yaleligciwane leCoronavirus.

Omunye wamamalunga abo unkosazana Esther Vongai Zimudzi ulandisa kabanzi ngalenkuthazo yabo kuhulumende.

“Abakwamanye amazwe okubalisa elechina, kabasavumeli indizamtshina ukuphuma lokungena emazweni abo. Ngokufanayo, kasimelanga njengelizwe sibe lokhe siyekethisa kuloludaba. Kunje, sike saba lesehlakalo salowana muntu okubikwa wabaleka esibhedlela se Wilkins, waziphumela nje. Wayevela ngaphi lumuntu, wayevela kweleThailand, kungani sibavumela laba bantu bengena kuleli? Sekumele uhulumende athathe amanyathelo alukhuni ukuthi anelise ukulondoloza impilakahle yezizalwane zakhe. Iqiniso yikuba kasilakho okwaneleyo kokuzenqabela kuloluduo, siyakwazi okwenzakala ngesikhathi udubo lweCholera luqhamuka, ukuthi kwamthatha isikhathi esinganani uhulumende ukulwisana lalolodubo.”

Kodwa uhulumende weZimbabwe uthi useyenze konke okusemandleni akhe ukulungiselela ukusabalala kwaleligciwane ngendlela ekusibanga esiphezulu.

Umphathintambo wogatsha lwezempilakahle, uDr Obediah Moyo ulandisa ngamalungiselelo abo besebenzisana labezinye ingatsha zikahulumende ezigoqela olubona ngendaba zasekhaya, ukulondoloza imingcele.

“Senza konke okusemandleni ethu ukuthi kabilayo leyo Covid 19 kuleli, engena ngasemingceleni yeZimbabwe. Sifuna ukulondoloza eleZimbabwe, yiso isiqokoqela sakuqala leso, ukulondoloza eleZimbabwe, ukwenqabela i Covid19 ingaze yangena eZimbabwe, kumqoka lokho. Ukulondolozwa kwemingcele, indawo uzulu azisebenzisa ukungena elizweni ngokungekho emthethweni, amapholisa akhona ukulondoloza imingcele abakubutho labo bakhona ukusiza ekulondolozeni imingcele. Sesenze konke okusemandleni ethu ukulondoloza imingcele yethu.”

Abekhomidhi ekhangela udaba lwezempilakahle edale lephalamende (Portfolio Committee of Health) basanda kwethekelela esilindweni sendizamtshina eseRobert Gabriel Mugabe International Airport lasesibhedlela se Wilkins Infectious Hospital eHarare, ukuyazibonela isimo samalungiselelo okwenqabela ukusabala kweCoronavirus elaziwa njalo ngokuthi Covid 19.

Umgcinisihlalo wekhomidhi uDr Ruth Labode ugcizelele ukuba ngempela uzilungiselele ngokwaneleyo uhulumende ukulondoloza uzulu nxa lingasabalala leligciwane eZimbabwe.

“Sebelungisile indawo lapho okungafikela khona umuntu obulawa ngmkhuhlane lowu esingathi yiCorona. Kodwa ngokubona kwethu, uyavikeleka and bazimisele and yonke into efunakalayo ikhona, sesize sifisa ukuthi ngabe zonke izibhedlela, even ezileminye imikhuhlane, zinje.”

EleZimbabwe libikwa lidinga izigidi ezedlula ezinhlanu zamadola eMelika-USD$5, 2 Million, ukuze lenelise ukulungiselela ngokugcweleyo ukuvimba ukusabalala kwegciwane leCovid 19.

Kunje abe Global Fund sebethembise ukupha eleZimbabwe ezigidi ezingamatshumi amabili lanhlanu zamadola eMelika-USD$25 Million, yokusebenzisa kulolu hlelo.

Udaba lwabomkhankaso we Present-Danger #Coronavirus Zimbababwe Campaign siluphiwa nguMavis Gama
please wait

No media source currently available

0:00 0:02:47 0:00

Facebook Forum

XS
SM
MD
LG