amalinks wokungena

Uhulumende Uyachothozwa 'Ngokudlalisa' Imali Ethengela Izinduna Izimota

  • Ntungamili Nkomo

Inengi selichothoze uhulumende ngokuthengela izinduna izimota ezedlula amakhulu amabili lamatshumi phose amathathu, 226, khona kungelamali elizweni kanti lomnotho uguqe ngamadolo.

Abamabandla aphikisayo kanye labenhlanganiso ezizimeleyo bathi kusobala ukuthi le yindlela yokuthenga izinduna ukuthi zisekele ibandla leZanu PF ngamandla phambilini kokhetho luka2018.

Umphathintambo obona ngokwakhiwa kwezabelo uMnu Savior Kasukuwere uthi izimota lezi zithengwe ngaphandle kwelizwe.

Lanxa uKasukuwere engavezanga intengo yazo, ingcwethi zithi kusobala ukuthi zizabiza izigidi lezidigi zamadola.

Inengi lithi ngabe uhulumende usebenzise imali le ukuthenga imithi yokwelapha abantu ezibhedlela lokunye okubalulekileyo.

Kodwa umkhokheli wezinduna uMnu. Fortune Charumbira uthi balelungelo lokuthengelwa izimota lezi nguhulumende.

Umqondisi wenhlanganiso yamagqwetha alwela amalungelo oluntu iAbammeli uMnu. Tineyi Mukwewa ongomunye wabantu abasola uhulumende.

Facebook Forum

XS
SM
MD
LG