WASHINGTON DC —
Uhulumende sephikise isinqumo somthethwandaba weSupreme Court wakweleSouth Africa sokuvumela ababengabalimi abamhlophe abathathelwa amapulazi abo yiZanu PF ukuthi babambe impahla kahulumende weZimbabwe eseSouth Africa ngamandla bayithengise.
ISupreme Court ivumelane ledale leGauteng High Court ngenyanga edluleyo ukuthi abathathelwa amapulazi phansi kohlelo lokwabiwa kutsha komhlabathi bavunyelwe ukuthi babambe imphahla yeZimbabwe ekulelolizwe egoqela izindlu.
Igqwetha elikhulu likahulumende uMnu Johannes Tomana utshele iStudio 7 ukuthi ukhweze loludaba emthethwandaba weConstitutional Court eSouth Africa ngeviki edluleyo ephikisa isinqumo seHigh Court leSupreme Court.
Uthe okwenziwa ngeleSouth Africa yikuphambamisa okukhulu ngoba umthetho wamazwe ungavumi ukuthi impahla yelinye ilizwe ekwelinye ithengiswe ngaphandle kwemvumo.
Igqwetha elilwela ilungelo loluntu, uMnu Matshobana Ncube uthi kaboni uhulumende ephumelela emizameni yokuvimba ukuthengiswa kwempahla yakhe.
ISupreme Court ivumelane ledale leGauteng High Court ngenyanga edluleyo ukuthi abathathelwa amapulazi phansi kohlelo lokwabiwa kutsha komhlabathi bavunyelwe ukuthi babambe imphahla yeZimbabwe ekulelolizwe egoqela izindlu.
Igqwetha elikhulu likahulumende uMnu Johannes Tomana utshele iStudio 7 ukuthi ukhweze loludaba emthethwandaba weConstitutional Court eSouth Africa ngeviki edluleyo ephikisa isinqumo seHigh Court leSupreme Court.
Uthe okwenziwa ngeleSouth Africa yikuphambamisa okukhulu ngoba umthetho wamazwe ungavumi ukuthi impahla yelinye ilizwe ekwelinye ithengiswe ngaphandle kwemvumo.
Igqwetha elilwela ilungelo loluntu, uMnu Matshobana Ncube uthi kaboni uhulumende ephumelela emizameni yokuvimba ukuthengiswa kwempahla yakhe.
