amalinks wokungena

Breaking News

Uhulumende Usola Ukubulawa KukaGadhafi


Uhulumende sesole ukubulawa kowayengumkhokheli weLibya uMoammar Gadhafi ngabalweli beNational Transitional Council ngoLwesine.

Isikhulumeli sikahulumende uMnu Webster Shamu wethule umbiko ngoLwesihlanu esithi udlakela akumelanga lube yilo olusetshenziswayo njengendlela yokulungisisa ingxabano kwezombusazwe.

EleZimbabwe lixotshwe ummeli weLibya ngenyanga kaMpandula ngemva kokuba ehlamukele uGadhafi wasekela iNTC.

Abagenqula umbuso kaGhadafi babikwa bedonselana phezu kokuthi abekwe nini njalo ngaphi. Isidumbu sakhe sibikwa sisedolobheni le misrata.

Umthetho wokholo lwesiMoslem uthi umuntu engabhubha kumele angcwatshwe kungakedluli ilanga elilodwa kodwa ngenxa yokudonselana okukhona kuhulumende weLibya, uGadhafi uzangcwatshwa isiskhathi lesi sesedlule.

Umabhalane kugatsha olubona ngobudlelwano beZimbabwe lamanye amazwe uMnu Joey Bimha utshele iStudio 7 ukuthi iZimbabwe izavuselela ubudlelwano leLibya nxa kungabunjwa uhulumende womanyano kulelolizwe.

Kodwa isikhulumeli seZapu uMnu Methuseli Moyo uthi uhulumende kumele aqalise ukudlelana leLibya ngoba umbuso kaGadhafi usuyimbali.

XS
SM
MD
LG