amalinks wokungena

Breaking News

Uhulumende weZimbabwe Uthi Usezavumela Imisakazo Yezabelo Ukuthi Ivulwe


Bananza usuku lwemisebenzi yemisakazo olweWorld Radio Day.

Lanxa umsakazo weVOA Studio 7 ububizwa ngamagama amabi ehlukeneyo agoqela elithi ‘pirate radio station’ besithi usebenza ngokungekho emthethweni, uhulumende usekuvuma ukuba yiwo umsakazo uqobo olentathelizindaba eziqhuba umsebenzi ngendlela ebalulekileyo.

Uhulumende uthi umsakazo lo utholise abantu abanengi inkundla yokukhulumisana kanye lokwamukelana laloba bele mibono eyehlukeneyo.

Nick Mangwana
Nick Mangwana

Uhulumende uhle wathatha usuku lokunanza imisebenzi yemisakazo olwe World Radio Day ukwazisa ukuthi uzavumela imisakazo yezabelo eyama community radio stations ukuthi ivulwe kwele Zimbabwe.

Oze emmele umphathintambo wezokwethulwa kwemibiko kanye lezemisakazo, uNkosikazi Monica Mutsvangwa, unobhala wogatsha lolu uMnu. Nick Mangwana uncome imisebenzi yeStudio 7 kulandela ukukhulumisana kwakhe kubi lomculi olodumo uThomas Mapfumo emsakazweni lo.

UMangwana uthi kungalesi sizatho uhulumende kaMongameli Emmerson Mnangagwa engasawasebenzisi lawo magama amabi abesetshenziswa ukuchothoza lumsakazo.

Uthu konke lokhu kwaphela uMnu. Robert Mugabe esuka esikhundleni.

“Ngathola ucingo luvelela ku chief executive officer walumsakazo. Isiqokoqela sendaba kwakuyikubana babefuna ukuxolisa kulokho okwakuthe kwenzakala emsakazweni wabo lapho abanye abantu batshengisa ukungemukeli imibono yabanye. Bangibhalela ingcwadi bexolisa bacela iskhulumeli sami ukuba singazise ngalokho. Lo ngumzekeliso womsakazo okhuthaza indaba zokwamukelana lanxa abantu besehlukana ngemibono kanye lokuba abantu banelise ukukhulumisana”.

Ezekial Dlamini
Ezekial Dlamini

Abenhlanganiso yomanyano wamazwe omhlaba eyeUnited Nations Educational, Scientific and Cultural Organisation, abaqoqe umkhosi owenzelwe eHarare Polytechinic College bemanyene lohulumende, bathi kuqakathekile ukuthi kube lemisakazo yezabelo.

Oze emele umqondisi wesigaba sangezansi kwezwekazi le Africa kuUNESCO, uMnu. Ezekiel Dlamini, uthi imisakazo ilalelwa ngabantu abanengi okumangalisayo ngakho-ke kuqakathekile ukuthi ama community radio stations avulwe kwele Zimbabwe.

UMnu. Kudzai Kwangwari, obona ngezokuqhutshwa kwemisebenzi kunhlanganiso yeZACRAS, uthi kabalaqiniso lokwethulwe nguhulumende othi sokuzavunyelwa ukuthi imisakazo yezabelo ivulwe.

Umqondisi womsakazo webulenjini owe Voice of the People, uMnu. John Masuku, uthi liyemukeleka lelinyathelo eselithathwa nguhulumende ukusungula imisakazo yezabelo.

Imisakazo Yezabelo Izavunyelwa Kwele Zimbabwe Na?
please wait

No media source currently available

0:00 0:07:41 0:00

Facebook Forum

XS
SM
MD
LG