amalinks wokungena

Breaking News

Uhulumende Uthenga Amabhasi aweZUPCO Kwele China


Amabhasi aweZUPCO athengwe nguhulumende kweleChina leSouth Africa

Umongameli Emmerson Mnangagwa, utshele umbuthano wabakade bezobona ephawula okusemthethweni amabhasi amatsha enkampani kahulumende eyeZUPCO, ukuthi akhangelelwe ukunceda ukuqeda inhlupho ezibhekana lozulu ekuhambeni.

Amabhasi la, uthe ayingxenye yangamakhulu amathathu athengwa nguhulumende kweleChina leSouth Africa, kukhangelelwe amanye angamakhulu amahlanu athengwa kwele Belarus.

Uqhubeke uMnangagwa ethi lamabhasi athengwe ngemva kokuba sebenanzelele ukuba lawo athengwa kwele Belarus azophuza ukufika elizweni. Amabhasi la, uthi azasebenza ukuthwala uzulu wemadolobheni lemaphandleni ngaphansi kohlelo lukahulumende lokubona ukuthi uzulu uthola indlela zokuhambisa lula, ezilentengo ephansi njalo engahlukunyezwa.

Wazisa ukuthi uhulumende uphakathi kokuqoqa indlela entsha yokuhlawulela amatikiti okugada amabhasi la ukuze izihambi zingahlawuleli nsuku zonke kodwa kanye ngeviki.

Ngemva kokuba kube lokuqansa kwentengo yokugada amabhasi ekuqaliseni kwalumnyaka, ngoZibandlela, abenkampani ye ZUPCO baqale uhlelo lokuthwala uzulu wemadolobheni esebenzisa amabhasi akade ewaboleka kwamanye amankampani kuhlelo olwamukelwe ngabanengi ngenjabulo enkulu.

Okwamanje abenkampani yeZUPCO balamabhasi edlula amakhulu amabili kusitsho ukuba ukuza kwalamabhasi amatsha kukhangelelwe ukulungisisa inkinga ebezikhona kwezokuthwalwa kukazulu emadolobheni.

Facebook Forum

XS
SM
MD
LG