amalinks wokungena

Breaking News

Uhulumende Uthi Abanye Bazahlawuliswa Ukuze Bahlatshwe Ijekiseni yeCovid-19


FILE - Syringes containing the Pfizer-BioNTech COVID-19 vaccine sit in a tray in a vaccination room at St. Joseph Hospital in Orange, Calif., Jan. 7, 2021.
FILE - Syringes containing the Pfizer-BioNTech COVID-19 vaccine sit in a tray in a vaccination room at St. Joseph Hospital in Orange, Calif., Jan. 7, 2021.

Lanxa uzulu ebekhangelele ukuthi uzahlatshwa ijekiseni yokuvikela umkhuhlane weCoronavirus mahala, umphathintambo wezemali uMnu Mthuli Mcube uthi abanye bazabhadala nxa befuna ukuhlatshwa.

UNcube utshele umsakazo weZTN izolo ukuthi kulamaqembu azahlatshwa ngaphandle kwembhadalo afana labasebenza kwezempilakahle labampofu.

Kodwa uthe abanye bazazibhadalela.

Ngeviki edluleyo uNcube uveze ukuthi uhulumende sebeke eceleni US$100 million ezathenga amajekiseni ayizigidi ezingamatshumi amabili, 20 million.

Umbiko wakhe izolo usolwe ngabantu abanengi besithi umuntu wonke kumele ahlatshwe mahala njengalokhu okwenzakala kwamanye amazwe.

Izolo khona kubhubhe abantu abalitshumi lanhlanu, 15, ngeCovid-19 njalo kwatholakala abalikhulu lamatshumi amahlanu, 150, belomkhuhlane lo.

Lokhu kukhweze inani lasebebanjwe lumkhuhlane eZimbabwe laya kunkulungwane ezedlula amatshumi amathathu, 33,964. Asebebhubhile bona bakhwele baya ku1,269.

Isiphathamandla senhlanganiso yeZimbabwe Christian Alliance uMnu Useni Sibanda uthi uhulumende kumele ahlabe abantu bonke abafunayo kungemanhlawulo.

please wait

No media source currently available

0:00 0:04:44 0:00

XS
SM
MD
LG