amalinks wokungena

Breaking News

Uhulumende Uthi Akasuswe uMtetwa Ukuba Ligqwetha LikaHopewell Chin'ono


UNkosikazi Beatrice Mtetwa

Uhulumende wenze isicelo emthethwandaba esokuthi igqwetha lentathelizindaba uHopewell Chin’ono, uNkosikazi Beatrice Mtetwa, amiswe ukummela esetheswa icala lokuloba konke okwenzakala edale enkundleni yokuxhumana eyebulenjini eyefacebook.

Lesi sicelo sihle savimba ukwahlulelwa kwesicelo sikaChin’ono sokuthi aphiwe imvumo yokuhlawulela isibambiso sebail ukuze athoniswe evela ngekhaya.

Esipha isicelo lesi uMnu Whisper Mabhaudi, umtshutshisi ekuthonisweni kukaChin’ono utshele idale ukuba uNkosikazi Beatrice Mtetwa ubhale ekhasini lakhe lenkundleni yeFacebook elithi ‘ Beatrice Mtetwa and the rule of law’ amazwi aphathelane lodaba luka Hopewell lona lungakapheli ukuthethwa othe kuphambanisa ukwahlulelwa kuhle kwalo.

Kodwa uMtetwa ukulandule lokhu esithi kasuye obhale ekhasini leli, esithi lokho kulotshwe yintathelizindaba uLorrie Cornway we Melika, yena owenza ifilimu ngomsebenzi wakhe.

Lokhu kusekelwe ngu Chin’ono lapho aphe ubufakazi esithi ungomunye walabo abancedisa ukwenza iflimu leyi njalo UMtetwa ngeke aphiwe icala elingelani laye.

UChin’ono wengezelele esithi uhulumende kenzanga uphenyo olupheleleyo ngaleli khasi ukuthi ngelikabani sibi sibili, engakalethi udaba lolu edale.

Uphinde watshela idale ukuba isicelo esenziwe nguhulumende lesi asila ngqondo njalo senzelwe ukuba udaba lwakhe luphuze ukwahlulelwa kuhle.

Unkosikazi Mtewa utshele idale ukuba uhulumende usezama ngazo zonke indlela ukuvimba ukuthonisiswa okubalulekileyo kwecala lika Chin’ono.

Lokhu kuza ngemva kobufakazi obuphiwe edale ngelinye lamagqwetha ka Chin’ono uMnu Gift Mtisi yena othe uMabhaudhi umbuze udaba lolu lungakangeni lasedale ukuthi uzakwenelisa na ukuthi amele uChin’ongo uMtetwa engekho.

UMtisi uthe amazwi ka Mabhaudhi lawa aveza ukuba uhulumende kukhona akuqoqayo ukuphambanisa uMtetwa ukwenza umsebenzi wakhe edabeni luka Chingono.

Lokhu kugcizelelwe lngelinye iqwetha lika Chingono uNkosikazi Roselini Hanzi, yena okhokhela inhlanganiso yeZimbabwe Lawyers for Human Rights

UChingono utshele idale ukuba isicelo sikahulumende lesi sephula ilungelo lakhe elikusisekelo sombuso eslokumelelwa liqwetha alifunayo.

UMantshi uNgoni Nduna uthe udaba lolu luzaqhubekela phambili kusasa lapho uChin’ono azakuma phambi kwedale esipha ubufakazi kucala eletheswa uMtetwa.

Udaba lwemizamo kahulumende weZimbabawe lokuvimba uMtetwa ukuthi ammele uHopewell Chin'ono
please wait

No media source currently available

0:00 0:02:12 0:00

Facebook Forum

XS
SM
MD
LG