Umphathintambo wogatsha lwezisebenzi zikahulumende, uNkosikazi Lucia Matibenga uthi useqalisile ukususa izisebenzi ezaqatshwa okungekho emthethweni inengi lazo kungabasakhulayo bebandla leZanu PF kuluhlu lwezisebenzi zikahulumende. UMatibenga utshele idale lephalamende ngolweSithathu ukuthi ontanga laba, abaqatshwa phambilini kokhetho luka 2008 ukukhankasela ibandla le Zanu PF, bazaxotshwa bonke .
Uthe sekuxotshwe ontanga abedlula inkulungwane ezinhlanu lengxenye, 5 600 njalo bakhangelele ukuxotsha izisebenzi ezedlula inkulungwane ezilitshumi.
UChris Gande weStudio 7 uxoxe lomgcinisihlalo wabaskahulayo kucele leMDC elikhokhelwa nguMnu. Morgan Tsvangirai koBulawayo, uMnu. Bekithemba Nyathi ukuze sizwe imbono yakhe ngololudaba.