amalinks wokungena

'Uhulumende weZimbabwe Kalungisise Umnotho Atshiyane Lokuchothoza iMelika'

  • Ntungamili Nkomo

Omele iMelika eZimbabwe, uAmbassador Harry Thoma Jnr. loNkosikazi Chipo Dendere, akade bekhuluma kungxoxo mpikiswano eqoqwe yiStudio 7 eWashington DC.

Ummeli weMelika eZimbabwe uthi ilizwe lakhe lizaqhubeka liphathisa eleZimbabwe ngenhlelo ezithuthukisa uzulu ezifana lezempilakahle.

UMnu. Harry Thomas Jnr. wethule amazwi la emhlanganweni wengxoxo mpikiswano oyenziwe ngumsakazo weVOA Studio 7 ngoLwesine eWashington DC.

UAmbassador Thomas Jnr. uthe kusobala ukuthi uzulu weZimbabwe uthwele nzima ngokudilika komnotho lokuswelakala kwemisebenzi.

Ngalokho, uthe kuyadingeka ukuthi uhulumende elungisise konke okuhluphayo ukuze uzulu ehlale kuhle njalo etshiyane lokutshona echothoza eleMelika ngezijeziso elazifakela amalunga eZanu PF.

Abanye abakhulume emhlanganweni lo yingcwethi efundisa ezombusazwe, uNkosikazi Chipo Dendera, okhuthaze amabandla aphikisayo ukuthi ebambane ngaphambilini kokhetho nxa elakho ukunqoba.

Lawa ngamazwi agcizelelwe ngabanye njalo ababili abakhulume emhlanganweni lo ababalisa uMnu. Rhoderick Machekano lengcwethi kwezentuthuko uMnu. Tawuya Katso.

UMnu. Katso uthe lanxa kunzima ukuthi amabandla aphikisayo anqobe, ithuba lisesekhona alubana athe abambana lozulu laye wavota ngobunengi.

Facebook Forum

XS
SM
MD
LG