amalinks wokungena

Breaking News

UHwende loMaKhumalo Bamiswa Ukuba Ngamalunga eMDC-T Phezu Kodlakela


Umkhokheli webandla leMDC-T semise umsebenzi umsekeli wesikhulumeli salelibandla uNkosazana Thabitha Khumalo lomsekeli kamgciningcebo walo uMnu Charlton Hwende phezu kodlakela oluqhamuke koBulawayo ngeSonto lapho okutshaywe khona iziphathamandla ezigoqela uNkosazana Thokozani Khupe.

Embikweni awethule ngoLwesithathu, uTsvangirai uthe usemise njalo abasakhulayo bebandla lakhe abathathu ukuba ngamalunga kusacwayisiswa ngodlakela lolu.

Usole kakhulu udlakela esithi ngumkhuba omubi angasoze awuvumele ebandleni lakhe.

Udlakela lwangeSonto luqhamuke ngemva kokuba abasakhulayo beMDC-T bengene emahofisini alelibandla ngenkani baphazamisa umhlangano owawukhokhelwa nguNkosazana Khupe.

UMaKhupe ukhokhela icele lalelibandla elithi kalifuni ukuthi iMDC-T ingene kumanyano lamanye amabandla aphikisayo agoqela iMDC ekhokhelwa nguMnu Welshman Ncube.

Ngakwelinye icele uTsvangirai ukhokhela ixuku elikhuthaza ukubambana kwamabandla aphikisayo phambilini kokhetho luka2018.

Ukungavumelani phezu kodaba lomanyano lolu yikho okubangele udlakela lolu.

Ukuhlaziya loludaba sixhume umhleli wephephandaba leThe Standard uMnu Kholwani Nyathi yena othi uTsvangirai uzizwa ebandezekile ngodaba lodlakela yikho esemise uMakhumalo loHwende umsebenzi.

please wait

No media source currently available

0:00 0:02:07 0:00

Facebook Forum

XS
SM
MD
LG