amalinks wokungena

UJaphet Mlauzi Wethula Indlikizane Yedlalade

  • Joseph Njanji

UJaphet Hwabaraty Mlauzi

Umculi osacathulayo uJaphet “Hwabaraty” Mlauzi wethule okusemthethweni indlikizane yedlalade elibizwa Woza Nhlanhla ngoLwesine ntambama edolobheni lako Bulawayo.

Bekukuncane indawo ngoLwesine endaweni ye National Art Gallery esedolobheni lako Bulawayo, lapho izinyane lengonyama uJaphet Mlauzi, yena owaziwa kwezomculo ngegama elithiwa Hwabaraty, abekade ephakulela khona uzulu idlalade lakhe elitsha elivutha amalangabi alethe igama elithiwa Woza Nhlanhla.

Ijaha lakoMlauzi lona elikhulele elokitshini laseNjube liqeqetshwe ngumculi olodumo uJeys Marabini kusukela ngomnyaka ka 2010 lapho eliqale khona ukusebenza leqembu leKoze Kulunge.

Jeys Marabini, Noma Nkwali, Vusa Mkhaya LoSandra Ndebele
Jeys Marabini, Noma Nkwali, Vusa Mkhaya LoSandra Ndebele

“Angilahlekanga ngenxa kaJeys Marabini. Nguye obeyisibonelo esikhulu ekutheni ngihambe ngaluphi unyawo kwezomculo njalo uyangiphathisa ukuba ngenze kanjani njengoba yena engumuntu owahamba phambili.”

Kudlalade lakhe leli uHwabaraty usebenze labaculi abagoqela uQeqeshiwe Mntambo, uNoma Nkwali, uSandra Ndebele, uAshleigh Manyakaidze, uPercy, uJeys Marabini, uVusa Mkhaya Ndlovu kanye lo Gazelimnyama laye olilunga leqembu le Kozekulunge njalo abaphathisane kungoma ethiwa Amakhwelintaba.

Ekhuluma emkhosini wokwethulwa okusemthethweni idlalade lika Hwabaraty, uJeys Marabini uthe yena kwelakhe iqembu abaculi abacathulayo bavele bayaphiwa ithuba lokuba bazimele bodwa.

UHwabaraty, Jeys Marabini Lo Babongile Skhonjwa
UHwabaraty, Jeys Marabini Lo Babongile Skhonjwa

“UHwabaraty ngumfana osenhliziyweni yami kakhulu njalo ngambuza ukuba nxa uJeys Marabini ngeyinye imini engasekho wena uzaziphilisa ngani. Yikhoke ngimtshela ukuba azimele njalo bayakwazi bonke eqenjini lami ukuba akekho umuntu ongaphiwa ithuba.”

Lo Jeys Marabini uHwabaraty ucule ingoma okubizwa ngayo idlalade lakhe ethiwa Woza Nhlanhla.

Facebook Forum

XS
SM
MD
LG