amalinks wokungena

Ukhetho LwaseKenya Alwenziwanga Kwezinye Indawo Ngenxa Yodlakela

  • Ntungamili Nkomo

Uzulu waseKenya ubevota ngoLwesine kukhetho lokudinga uMongameli kulodlakela olwenze lolu khetho lwangenziwa kwezinye indawo.

Bekulokulwisana phakathi kwamapholisa labasekeli bamabandla aphikisayo akumanyano okhokhelwa nguMnu Raila Odinga yena oyale ukungena kukhetho esithi ufuna uhulumende aqale aguqule indlela aqhuba ngayo ukhetho.

Lolu khetho lwenziwa kutsha ngemva kokuba umthethwandaba wesule impumela yokhetho lwakuqala lapho okunqobe khona uMongameli Uhuru Kenyatta.

UMnu Kenyatta ukhangelelwe ukunqoba njalo ngoba engekho ancintisana laye.

Lokhu kufana nje lokwenzakale eZimbabwe ngomnyaka ka2008 lapho uMongameli Mugabe angene eyedwa kukhetho.

Ingcwethi kwezombusazwe uMnu. Nkululeko Sibanda utshele iStudio 7 ukuthi uOdinga uphambanisile ngokwala ukungela kulolu khetho.

Facebook Forum

XS
SM
MD
LG