amalinks wokungena

ZEC: Lokhe Sidinga Imali Yokuqhuba Ukhetho Oluzakwenziwa Ngomnyaka Ozayo


Inhlanganiso ebona ngokuqhutshwa kokhetho eye Zimbabwe Electoral Commission (ZEC) ithi ilokhe isadinga imali phose izigidi ezingamakhulu amathathu zamadollar- $274 million yokusebenzisa ekuqhubeni ukhetho lomnyaka ozayo loba nje uhulumende ehlezi ekhala ngokuthi akalamali.

Umsekeli kamgcinisihlalo we ZEC, uMnu. Emmanuel Magede, ubike lokhu ngemva kokuphiwa ingcosana yalemali engaba yisigidi esisodwa damadollar - $1 million, eyokuphathisa emsebenzini wokhetho lomnyaka ozayo loba nje kudingakala izigidi lezigidi zamadola ukuthi ukhetho lolu lwenziwe, evele kwabesigodlo sommeli weleJana eZimbabwe.

Lokhu kwenzakale ngoLwesithathu esigodlweni senhlanganiso yomanyano wamazwe womhlaba wonke jikelele ese United Nations Development Programe (UNDP) eHarare, lapho obemmele iZEC uMagede, omela iUNDP eZimbabwe umnuBishow Parajuli lommeli weJapan, umnuToshiyuki Iwado belobe isivumelwano soncedo lwemali le.

UMagede ubonge kakhulu eleJapan ngosizo lolu kodwa wathi uhulumende kufuze abone ukuthi imali le iyadingwa ngokuphangisa ukuze ukhetho luqhutshwe kakuhle.

Wengeze wathi IZEC ithole izifundo ezinengi kukhetho olusanda kwedlula kwele Kenya wathi bazazama ngazo zonke indlela ukusebenzela ukuthi eleZimbabwe liqhube ukhetho olungela kuthandabuza, bedinga ukwenqabela amaphutha enziwe kweleKenya.

Igqwetha elibona ngelungelo loluntu, uMnu. Kuda Hove, uthe ukuswela kweZEC imali kuzaphambanisa ekulungiseleleni ukukhetho ngoba phela ethi IZEC isiphuzile ukuqalisa indingeko zokhetho ezigoqela uhlelo lokubhalisa abantu ukuthi bavote olulokhe lungakaqali sona isikhathi sesidliwe mangoyi kangaka.

Lokhu kusekelwe nguMnumzama Alphious Mapuranga isakhamusi seHarare yena othi IZEC kayisoze yenelise ukubuthanisa imali edingakalayo yokuqhuba lolukhetho ngesikhathi ngoba uhulumende esaziwa ukuthi akalamali.

Emalungiselelweni okhetho lomnyaka ozayo ilizwe belilungiselela ukuthi lizabhalisa abantu abazavota kulolukhetho lisebenzisa imitshina yangalezi nsuku eyeBiometric Voter Registration (BVR) llalo olulendleko enkulu okwamagama ukuthenga leyo mitshina, elokhe ingakabuyi elizweni.

NgeSonto linhlanganiso ibike ukuba isithole amaBVR kits angaba ngamakhulu amane-400 kuphela kunkampani eyathola imvumo yokuthengisela ilizwe leyo mitshina yakweleChina eyeLaxton awokufundisa abantu abangaba zinkulungwane ezithoba minwembili lengxenye-8500 abazafundisa ezinye izisebenzi ngokusetshenzeziswa kwale mitshina.

Facebook Forum

XS
SM
MD
LG