amalinks wokungena

Breaking News

Ukhulu Lomkakhe Babulawe Ngesihluku eEmpandeni, ePlumtree, Batshiselwa Endlini


Kulokhulu lomkakhe abahlala esigabeni seEmpandeni, ePlumtree, ababulawe ngesihluku esimangalisayo izolo ebusuku ngabantu abacatshangelwa ukuthi yizigebengu.

UMnu Nicholas Nleya, obeleminyaka yokuzalwa engamatshumi ayisitshiyangalombili lantathu (83) loNkosikazi wakhe uMargaret Nleya obeleminyaka engamatshumi ayisikhombisa lasitshiyangalombili (78) babikwa bengenelwe ngabantu babagamula baba yiziqephu basebetshisa izidumbu zabo.

Kumbiko awethule enkundleni yeTwitter, amapholisa athe ababili laba batshiselwa endlini ngebhomba lephethulo.

Athe njalo abenze isiga lesi bangenele uNleya lomkakhe besithi bafuna imali ngemva kokuba bethengise inkomo eziyisikhombisa kusikhatshana esedluleyo.

UMnu Nleya lomkakhe ngababalisi asebathatha impentsheni njalo babikwa bebethandwa kakhulu nguzulu weEmpandeni ngoba bebencedisa abantu abaswelayo, ikakhulu ngemali zokubhadalela abantwababo esikolo.

Inkundla yeCite ibika ukuba omunye wabantwababo uthe abakabikwazi ukuthi kuyini okwenzakeleyo kahle-kahle ngoba amapholisa asaphenya.

Facebook Forum

XS
SM
MD
LG