amalinks wokungena

Breaking News

Lokhu Kudonselwana Phakathi Kukahulumende Lamakhansili Ngokudilizwa Kwezakhiwo


Murambatsvina

Izakhamizi ezibikwa zisazi ukuthi zakha endaweni engavunyelwayo kumele zizidilizele, kuthi lezo ezakha zingelamvumo yekhansili ziyidinge kutsha limvumo.

Uhulumende kanye lamakhansili lokhu bephikisana ngokuthi ngubani phakathi kwabo okhokhela uhlelo lokudiliza izakhiwo ezakhiwa ngokungekho emthethweni, kulandela ukudilizwa kwalezizakhiwo eruwa le damafalls, lembiko ebisithi loluhlelo luzaqalisa eHarare ngoLwesibili.

Ekhuluma kuphephandaba likahulumende ele The Herald ngoLwesibili, umabhalane omkhulu wekhansili ye Harare uMnu. Tendayi Mahachi uthe uhlelo lolu alusoze luqalise ngoLwesibili kulelidolobho njengalokhu obekubikw zintathelizindaba, njalo izakhamizi seziphiwe inyanga ezimbili ukuthi zicubungule loludaba lekhansili.

UMnu. Mahachi uthi izakhamizi ezikwaziyo ukuthi zakha endaweni engavunyelwayo kufanele zizidilizele lezizakhiwo, kuthi lezo ezakha zingelamvumo yekhansili ziyidinge kutsha limvumo.

Wengezelele wathi nxa izakhamizi zingasakwenzanga lokhu, ikhansili izazidiliza lezizakhiwo ngemva kwenyanga ezimbili.

Kodwa uMnu. Peter Moyo, ukhansila walelidolobho ugcizelele kungxoxo ayiqhube loSithandekile Mhlanga weStudio 7 ukuthi ikhansili yeHarare ayisiyo ediliza lezizindlu njalo abakwazi lokuthi uMnu. Mahachi ukhuluma emele bani.

please wait

No media source currently available

0:00 0:02:32 0:00
Lapho esitholakala khona
XS
SM
MD
LG