amalinks wokungena

Breaking News

Ukugula kukaTsvangirai Kubangela Ukuzamazama Ebandleni Lakhe


Ukugula kukaMnu Morgan Tsvangirai, umkhokheli weMDC-T sokubangele ukungahlaliseki okukhulu kubasekeli balelibandla ikakhulu ngalesi isikhathi ilizwe libhekane lokhetho.

Abakumabandla aphikisayo akumanyano leMDC-T labo babikwa bekhathazekile kakhulu besithi uTsvangirai ulakho ukungenelisi ukukhokhela lumanyano.

Kodwa uTsvangirai uthi akumelanga uzulu ekhathazeke kakhulu ngempilakahle yakhe ngoba eselatshwa kweleSouth Africa lapho agijinyiselwe khona ngoLwesihlanu.

Embikweni oyethulwe yisikhulumeli sakhe ngoMvulo, uTsvangirai uthe impilakahle yakhe isesimeni esihle.

Uthe ukwelatshwa lokhu kuyingxenye nje yokwelatsha kwakhe kulelolizwe ngemva kokufunyanwa elomkhuhlane wemvukuzane nyakenye.

UTsvangirai uthe uzaphenduka elizweni kunsukwana ezizayo njalo ukuthaze uzulu ukuthi ebhalise ngobunengi ukuze enelise ukuvota.

Amazwi akhe agcizelelwe ngumsekeli wesikhulumeli seMDC-T uNkosazana Thabitha Khumalo kungxoxo ayenze leStudio 7.

please wait

No media source currently available

0:00 0:02:39 0:00
XS
SM
MD
LG