amalinks wokungena

Ukugwetshwa Kowesifazana Otholakele Elecala Lokumemethekisa iHIV Kuyamiswa

  • Ntungamili Nkomo

Ukugwetshwa komunye umama wakoBulawayo otholakale elecala lokuthelela owayengumkakhe igciwane leHIV esazi, akusenziwanga ngoLwesibili ngemva kokungenela kwamagqwetha alwela ilungelo loluntu.

Umantshi uMnu Owena Tagu ufumane uNkosazana Samukelisiwe Mlilo elecala phansi komthetho weCriminal Law Codification and Reform Act.

Umthetho lo uthi oyabe etholakale elecala lokuthelela omunye igciwane leHIV ngabomo, ulakho ukugwetshelwa ukupika okweminyaka engamatshumi amabili.

Amagqwetha enhlanganiso elwela amalungelo oluntu iZimbabwe Lawyers for Human Rights acele umantshi ukuthi angethuli isigwebo sakhe ngoba efun'kuphikisa umthetho weCriminal Law emthethwandaba waphezulu oweSupreme Court.

Lokhu kutsho ukuthi uNkosazana Mlilo sengatshaywa ngumoya okwamanje udaba lwakhe luze luhluzwe yiSupreme Court. Omunye wamagqwetha asephethe loludaba, uMnu Lizwe Jamela uthi umthetho lo wephula ilungelo loluntu.

kunjalo nje, abesifazana bemalokitshini ako Bulawayo sebesungule amakilabhu okonga abagulayo abaphila legcikwane lengculaza ama HIV Caregivers Clubs. Lokhu bakwenza emizameni yokuthi bathwalisane umthwalo obakhona lapho bebhekane lokonga izihlobo labomakhelwane abagulayo.

Lanxa nje imithi ephiwa abaphila legcikwane lengculaza ama anti retroviral drugs, eselethe ithemba ebantwini lokuphila impilo egcweleyo njalo okwesikhathi eside hatshi ukuthi olegcikwane abe engohlezi elele phansi, ebangwa lezibi. Lisekhona inengi labantu eligulayo emakhaya elidinga ukunakekelwa. Kubika intathelizindaba yestudio 7 uNothando Sibanda.

XS
SM
MD
LG