amalinks wokungena

Breaking News

Abongi Babuyela Emsebenzini Lanxa Izikhalazo Zabo Zingakalungisiswa


Abongi labongikazi abakhalale umsebenzi ngeviki edluleyo bazabuyela emsebenzini namuhla lanxa nje uhulumende engakalungisisi izikhalazo zabo.

Inhlanganiso ebamelayo iZimbabwe Nurses Association yethule umbiko ngempelaviki ibakhuthaza ukuthi babuyele emsebenzini.

Linhlanganiso ithi kuyadanisa ukuthi kulokulungisisa izikhalazo zabongi, uhulumende ugijimele ukubachothoza esithi basetshenziswa ngamabandla ezombusazwe aphikisayo.

Umsekeli kaMongameli welizwe uMnu Constantino Chiwenga nguye owethese abongi lumlandu. Uphinde njalo wazisa ukuthi bonke abakhalale umsebenzi sebexotshiwe.

Abongi bafuna ukwengezelelwa iholo njalo bathi kumele uhulumende ebatholise konke okudingakalayo ezibhedlela lemakilinika ukuze belaphe kuhle izigulane.

IZimbabwe Nurses Association ithi izaqhubeka ikhulumisana lohulumende ngezikhalazo zabo.

Akukacaci kuhle ukuthi abongi abaxtshwe umsebenzi nguChiwenga laba bazavunyelwa yini ukubuyela emsebenzini.

XS
SM
MD
LG