amalinks wokungena

Breaking News

'Kakube Lokukhumisana Umlotha Kuqala Kudaba lweGukurahundi'


Gukurahundi

Inkokheli zomdabu lamabandla okholo lwesiKristu bakhuthaza uhulumende ukuba adinge indlela zokukhumisane umlotha labantu beMaNdebeLeni leNkabazwe mayelana lodaba lombhuqazwe weGukurahundi ukuze kubelokuthula lempumela kulezizigaba.

Abantu abadlula inkulungwane ezingamatshumi amabili babikwa babulawa libutho elalihlomile eleFifth Brigade elahlasela abantu makhaza ababengehlomanga, ngesikhathi sombhuqazwe owaphiwa isihloko esithi Gukurahundi. Lokhu kwenzakal phansi kombuso kowayengumongameli Robert Mugabe esebenze losekhona manje uMongameli uEmmerson Mnangagwa, labakubutho labo asebekuhulumende oMnu. Perence Shiri, Sydney Sekeramai loConstantine Chiwenga labanye.

Bekhuluma ngemva kombuthano wombuthano wenkonzo yokubonga eqoqwe ngabeFamily Of God koBulawayo lapho okunxuswe uMongameli Mnangagwa lomkakhe, abantu makhaza, inkokheli zamabandla okholo lezomdabu bathe sesifikle isikhathi sokuba uhulumende osembusweni alungise udaba lokubulawa kwabantu bengela cala njalo bengahlomanga, osekuleminyaka phose engamathsumi amane lungalungisiswanga.

UMsekeli kaMongameli wenkokheli zomdabu, uNduna uMtshana Khumalo uthe kuqakathekile ukuba loludaba lulungiswe.

Evumelana loKhumalo, uMfundisi Useni Sibanda laye utshaye khona ethe uMongameli Mnangagwa kalungise izolo engamnandi ngoba laye waphatheka ekubulaweni kwabantu.

USomabhizimisi oseSA eyisizalwane seZimbabwe, uMnunznana Justice Maphosa ophinde waduma ngokuhlenga uMongameli Mnangagwa ngesikhathi ebalekela ukubulawa ngowayenguMongameli uMugabe uthe ngesikhathi kusenzakalo isiga sokubulawa kwabantu abangahlomanga wayesasemncane ngeke akhuluma okumqotho kodwa abadala ababekhona ngalesosikhathi abakhulumisane loMongameli lengatsha ezifanele lulungiswe uhlupho olwadalwa yilise senzo. Ethi yena okwamanje ukhangelele ukusebenza ukuze umnotho welizwe uphakame njalo labo uma besiza ekhaya baphile kukhanye ukuthi bayasebenza.

Isikhulumeli seZAPU, uMnunznana Iphithule Maphosa uthe uMongameli engakhokhela uhlelo lokulungisa lokukhumisana umlotha njengenkokheli yelizwe kodwa isisombululo sizasuka kuZAPU lebanwtini abawonelwayo, ethi kumele bayehle baye ebantwini ngokuphangisa ngoba ekulungiseni kulesintu esingaziwa nguMongameli.

Udaba lokubulawa kwabantu ngesikhathi sombhuqazwe weGukurahundi luvuke lwabalutsha kulandela ukungena embusweni kukaMongameli Mnangagwa ngoba waphatheka kakhulu ngalesosikhathi njalo okucunule abantu yikuthi uthe abantu abakhohlwe ngezolo, kodwa uzulu uthi okungaqalwayo akukhumiswane umlotha kube lombuso wezabelo owe Devolution okumunyethwe layisisekelo sombuso esalotshwa ngomnyaka ka2013 kodwa esilokhu singalandelwa ngoba izigaba ezahlaselwa ngumbhuqazwe sizemuva kakhulu endabeni zentuthuko.

Facebook Forum

XS
SM
MD
LG