Ekhuluma ekuvulweni komkhambo wokuthengwa lokuthengiswa kwegwayi osungule umsebenzi walonyaka ngoLwesithathu, eHarare, uRetired General Constantino, uthi uhulumende uzinikele ukunakekela abalimi kanye lozulu yikho esebone kubalulekile ukuthi umsebenzi wokulinywa kwegwayi oletha imali enengi elizweni.
Uhlelo lweCommand Agriculture luhlelo oluphathisa abalimi ngezokulimisa ezifana lemvundiso zama fertiliser, inhlanyelo lokunye okudingakalayo basebe bhadala sebevunile.
Olima esesigabeni seMashonaland Central, uMnu Percival Sithole uthe njengabalimi bayakwemukela lokhu ngenjabulo.
Umgcinisihlalo we Tobacco Industries Marketing Board (TIMB), uNkosikazi Monica Mutsvangwa uthe abalimi kumele bekhulumisane labemikhambo abathengisela kiyo kulokutshengisela nxa bengaxabana labo.
Isakhamuzi seHarare uNkosiyabo Mununuri uthi okwenziwe nguhulumende kuhle kakhulu njalo kuzangezelela imali ezangena esikhwameni sakhe ngakhoke enelise ukunakekela uzulu.
Lonyaka kulemikhambo emithathu esebenzayo ukuthenga lokuthengisela igwayi, ebalisa owe TSF, Boka lePremium. Abathenga bezimele ababizwa ngokuthi ngamaContract Buyers, bona bazaqala ukuthenga igwayi kusasa.
Lonyaka imikhambo yonke yomithathu ikhangelelwe ukuthengwa lokuthengiswa kwegwayi elingaba yisisindo sama kilogram izigidi ezedlula amakhulu amabili.
