amalinks wokungena

Breaking News

Ukungani Kwezulu Kubangela Ukuswelakala Kwemisebenzi eBotswana


Botswana Border

AbeZimbabwe abavame ukuthola imsebenzi emapulazini eBotswana, babhekane lobunzima ngesikhathi izulu lingani ngemfanelo, ngakho kungelamsebenzi yokwenza emapulazini.

IBotswana ivame ukunikeza izizalwane zeZimbabwe amaphepha okusebenza emapulazini, ama seasonal permits, ukuze bancedise ngesikhathi sokulima.

Abalimi bayande ukuqhatsha abantu laba bekhangele umsebenzi okhona ngaleso sikhathi epulazini. Kodwa lonyaka kungathi akuhambi kuhle ngoba izulu lingakani okucacileyo endaweni ezinengi eBotswana.

Ukungani kwezulu sekulambise inengi elifika eBotswana lizodinga imisebenzi yemapulazini. Omunye oweZimbabwe ovame ukuthola imsebenzi emapulazini, ongafisanga okuqanjwa ngegama uthi lonyaka kuzabanzima ngenxa yesimo sokuswelakala kwezulu.

“Sithwele nzima ngoba akula abasiqhatshayo, sijayele ukuthola imsebenzi emapulazini, kodwa ngenxa yesimo sokuswelakala kwezulu, abantu abasiqhatshi,” kutsho omunye wabe Zimbabwe.

Abanye abesifazane abavela eZimbabwe, abafana lonkosikazi Ireen Dube, bathi ngalesi sikhathi somnyaka bayande ukuthola imsebenzi yokuyavuna izilimo ezivuthwa kuqala ezifana lembhida yedumba.

UDube uthi: “Lonyaka komile, ngalesisikhathi ngabesikhuluma ngabe sesithole imsebenzi yokuvuna izilimo ezivuthwa kuqala, kodwa njengoba ubona, abanye abakaqali lokulima.”

Impumela yokuphuza ukuna kwezulu yikuthi abeZimbabwe bagcwala ezitaladeni emadolobheni afana leGaborone, bonke belwela imisetshezanyana ekhona, eyaziwa kakhulu ngokuthi ngama piece jobs. Ke sizwe unkosikazi Dube ekhuluma:

“Abantu bagcwele ezitaladeni zeGaborone badinga ama piece jobs, ngabe izulu liyana ngabe abanye baphandle emapulazini,” kutsho uDube.

Osanuse bezulu lokhe beqinisa besithi likhona lonyaka njalo lizakuna kunyanga eziseleyo kusukela khathesi ngoZibandlela kusiya kuMbimbitho, isikhathi sokuphela kwesikhathi sezulu.

Kodwa okwakhathesi, amathemba abanengi abeZimbabwe abalesifiso sokuya sebenza emapulazini, afiphele, kungabonakali ngitsho leyezi emkhathini, lona ilanga litshisa bhe.

please wait

No media source currently available

0:00 0:01:56 0:00

Facebook Forum

XS
SM
MD
LG