Ukuminyana kwabantu, izimota, lamabhasi emngceleni weBeitbridge sekudalele izihambi ezinengi inkalakatha yohlupho ikakhulu izinkulungwane zezizalwane zeZimbabwe esisebenza kwele South Africa ezifuna ukube sezisemakhaya ngelanga lekhisimusi. Izihambi labomalayitsha abakhulume leStudio Seven bathi lobanje kucele lakwele South Africa zonke izinto zihlelekile njalo zisenziwa ngokuphangisa, ngakucele leZimbabwe kulengxabangxoza eyesabekayo enza bacine bethatha amahola afika amahlanu bengakatholi usizo.
Kuduma zona zodwa ingoma emakhombini, emabhasini lezimoteni zezinjiva njengoba sebelubhekise ekhaya kukhefu leKhisimusi ngemva komnyaka wonke bengabobani lezihlobo labangane. Inengi lalezi njiva eziphuma emgceleni wakwele Beitbridge zithi uhambo lubutshelezi nxa besuka eGoli baze bafika emgceleni weSouth Africa.
Omunye wabomalayitsha abadumileyo ikakhulu ngalesi sikhathi sekhisimusi umnumnzana Felistus Zondo uthi indlela izinto ezihleleke ngayo ngakucele leSouth Africa iyabathokozisa kakhulu. Uthi into zonke zihamba butshelezi njengoba abahamba ngenyawo balomzila wabo bodwa, abamabhasi labo, besekusithi abezimota ngale kantike lebezimota ezithwala impahla labo bafakwe bodwa.
Le yinto efakazwa nguMqondisi wogatsha lwendaba zasekhaya umnumnzana Mkuseli Apleni yena othi benze amalungiselelo agcweleyo ngenhlelo zokuphuma lokungena kwabantu elizweni ngaleli khefu lekhisimusi.
Kodwa uZondo uthi buyesabeka ubunzima abahlangana labo ngakucele leZimbabwe.
Uthi uhlupho lwakuqala ngolokuthi loba uhamba ngenyawo, ngebhasi, ngebhayisikili, kumbe ngemota encane lonke lifika lifakwe emzileni owodwa. UZondo uthi yisiphithiphithi, esibonisa sobala ukuthi kayikho ento ebihleliwe ngokungcwala kwabantu ngekhefu leKhisimusi
Lokhu uthi sekudale inkalakatha yohlupho njengoba sekuyilabo kuphela ababhadala imali yesifumbathiso abenelisa ukudlula.
Uthi kusegcekeni ukuthi inengi labasebenza emngceleni lapha bakhuthala kuphela nxa kulemali yesifumbathiso. Uthi indwendwe zalabo abangelamaphasipoti abafuna ukubuyela ekhaya zikhula ngomzuzu ngomzuzu lapho ababhadaliswa khona i R200 eyinhlawulo yokweqa umngcele bengelamaphasipoti. Lakhona laphoke uthi sebekhona asebehlawulisa eyesifumbathiso kulabo abafuna ukubhadala limali ngokuphangisa bedlule.
Unkosikazi Getrude Dube ngomunye wezihambi ezifike ekhaya zingaselathemba. Uthi ufike emngceleni wakwele South Africa phakathi kokubusu ngoMgqibelo kwathatha nje ingxenye yehola ukuthi adindelwe iphasipoti yakhe.
Kodwa ngakucele leZimbabwe uthi ume kwangaze kwangathi inyawo sezingena esiswini.
UmaDube uthi okunye okungabaphathi kahle kulo luhambo ngamaroadblock amapholisa agcwele umgwaqo wonke usuka e Beitbridge use uyengena koBulawayo. Uthi bamangaliswa yikuthi uthola amapholisa esebabuza amaphasipoti okuyinto engabuzwayo nxa umuntu eseselizweni lakhe.
Loba kunjalo injiva zithi kumnyama kubomvu, abakwaziyo yikuthi ngekhisimusi kufanele babe sebegida lokudla ezifela emlonyeni labangane lezihlobo emakhaya.
Kuduma zona zodwa ingoma emakhombini, emabhasini lezimoteni zezinjiva njengoba sebelubhekise ekhaya kukhefu leKhisimusi ngemva komnyaka wonke bengabobani lezihlobo labangane. Inengi lalezi njiva eziphuma emgceleni wakwele Beitbridge zithi uhambo lubutshelezi nxa besuka eGoli baze bafika emgceleni weSouth Africa.
Omunye wabomalayitsha abadumileyo ikakhulu ngalesi sikhathi sekhisimusi umnumnzana Felistus Zondo uthi indlela izinto ezihleleke ngayo ngakucele leSouth Africa iyabathokozisa kakhulu. Uthi into zonke zihamba butshelezi njengoba abahamba ngenyawo balomzila wabo bodwa, abamabhasi labo, besekusithi abezimota ngale kantike lebezimota ezithwala impahla labo bafakwe bodwa.
Le yinto efakazwa nguMqondisi wogatsha lwendaba zasekhaya umnumnzana Mkuseli Apleni yena othi benze amalungiselelo agcweleyo ngenhlelo zokuphuma lokungena kwabantu elizweni ngaleli khefu lekhisimusi.
Kodwa uZondo uthi buyesabeka ubunzima abahlangana labo ngakucele leZimbabwe.
Uthi uhlupho lwakuqala ngolokuthi loba uhamba ngenyawo, ngebhasi, ngebhayisikili, kumbe ngemota encane lonke lifika lifakwe emzileni owodwa. UZondo uthi yisiphithiphithi, esibonisa sobala ukuthi kayikho ento ebihleliwe ngokungcwala kwabantu ngekhefu leKhisimusi
Lokhu uthi sekudale inkalakatha yohlupho njengoba sekuyilabo kuphela ababhadala imali yesifumbathiso abenelisa ukudlula.
Uthi kusegcekeni ukuthi inengi labasebenza emngceleni lapha bakhuthala kuphela nxa kulemali yesifumbathiso. Uthi indwendwe zalabo abangelamaphasipoti abafuna ukubuyela ekhaya zikhula ngomzuzu ngomzuzu lapho ababhadaliswa khona i R200 eyinhlawulo yokweqa umngcele bengelamaphasipoti. Lakhona laphoke uthi sebekhona asebehlawulisa eyesifumbathiso kulabo abafuna ukubhadala limali ngokuphangisa bedlule.
Unkosikazi Getrude Dube ngomunye wezihambi ezifike ekhaya zingaselathemba. Uthi ufike emngceleni wakwele South Africa phakathi kokubusu ngoMgqibelo kwathatha nje ingxenye yehola ukuthi adindelwe iphasipoti yakhe.
Kodwa ngakucele leZimbabwe uthi ume kwangaze kwangathi inyawo sezingena esiswini.
UmaDube uthi okunye okungabaphathi kahle kulo luhambo ngamaroadblock amapholisa agcwele umgwaqo wonke usuka e Beitbridge use uyengena koBulawayo. Uthi bamangaliswa yikuthi uthola amapholisa esebabuza amaphasipoti okuyinto engabuzwayo nxa umuntu eseselizweni lakhe.
Loba kunjalo injiva zithi kumnyama kubomvu, abakwaziyo yikuthi ngekhisimusi kufanele babe sebegida lokudla ezifela emlonyeni labangane lezihlobo emakhaya.