amalinks wokungena

'Ukusebenza Kwebutho Lamapholisa eZimbabwe Akukho Emthethweni'

  • Mavis Gama

Umkhokheli webutho uGeneral Constantino Chiwenga ubobotheka ngesikhathi kugcotshwa uMnu. Emmerson Mnangagwa eHarare.

Okhokhela amalunga edale lephalamende kubandla le Movement for Democratic Change, uMnu. Innocent Gonese, usekhweze udaba lokusebenza kwamabutho esenza umsebenzi wamapholisa athi akukho emthethweni ngoba kwakumele kube ludaba olethulwa ngumongameli njengalokho okutshiwo yisisekelo sombuso.

Usomlomo wedale lephalamende, uMnu. Jacob Mudenda, uthi loludaba khona luzahlaziywa andubana ethule impendulo yakhe.

UGonese uthi bekumele kwenziwe ngendlela elaywa yisisekelo sombuso kusigaba 213 esikubeka sobala ukuba kuyini okumele kwenziwe nxa kumele abakubutho baqhube umsebezni othize.

Obona ngezokuqhutshwa komsebenzi kunhlanganiso ye Community Youth Development, uNkosazana Sichasisile Ndlovu wase Gwanda uthi osekusenzakala kwethusa abanengi elizweni.

Ngakolunye udaba, oluthe lwahlafunwa edale lephalamende, umphathintambo wogatsha lwezenzakala elizweni, uMnu. Obert Mpofu, utshele idale ukuba kumele kulungisiswe okuphathelene lezokusebenza kwamapholisa.

UMpofu uthi lalapho uzulu edinga imvumo yamapholisa ukuba atshengisela kumele kulandelwe umthetho.

Okunye kokuxoxwe ngakho kuludaba lwezokulinywa kwamasimu ngaphansi kwezinye inhlelo, lapho umphathintambo wezokulima uAir Marshal Perrence Shiri aveze ukuba akusoze kwaba lokubandlululwa kwabantu lapho betholiswa inhlanyelo lomvundiso.

Facebook Forum

XS
SM
MD
LG