amalinks wokungena

Ukusilela Kwemali Emabhanga Sekufike Kuzinga Elibi


Ukusilela kwemali elizweni sokubangele ukuthi amabhanga amanengi ehlise imali umuntu angayithatha ngelanga isuka kumadola angaba likhulu yaya kumadola angamatshumi amathathu kuphela.

Lokhu yinto esitshiye abantu abanengi bethukuthele ngoba bengenelisi ukuthatha izimali zabo emabhanga.

Ngitsho lemali ethunyezwa ngabantu abahlala phandle kwelizwe besebenzisa amankampani afana leMoneyGram iyake iswelakale kwezinye insuku.

Imitshina yamaATM layo ibikwa yome qha. Ingcwethi ecubungula ezenotho uMnu Masimba Kuchera utshele iStudio 7 ukuthi udubo lwemali lolu luzakwenza umnotho welizwe uguqe ngamadolo.

“Udubo olukhona ngolokuthi akulamali elizweni. IReserve Bank of Zimbabwe izame ukuthi iprinte amabond notes kodwa lawo ayasilela,” kutsho uMnu Kuchera.

XS
SM
MD
LG