amalinks wokungena

Breaking News

Ukusuka kukaMphoko eBotswana, Kukhona Okununka Santungwana


Umnumzana Phelekezela-Mphoko

Loba nje eleBotswana lisithi alixotshanga owayengumsekeli kamongameli, uMnu. Phekezela Mphoko, obephephele kulelolizwe kulandela ukugenquka kombuso kaMongameli Mugabe, kulempawu ezitshengisa ukuthi kazange ahambe ngokuthanda kwakhe.

UMphoko ubuyele eZimbabwe ngoLwesihlanu ngemva kokubalekela eBotswana esithi impilo yakhe isengozini ngenxa yesimo esitsha sezombusazwe.

Umphathintambo obona ngendaba ezenzakala phandle kweleBotswana, unkosikazi Pelonomi Venson-Moitoi, uthi uMnu. Mphoko kaxotshwanga elizweni leli kodwa wazisukela.

Lokhu kulandela ukuphindela ekhaya kukaMphoko ngoLwesihlanu, lapho afika abotshwa ngabebutho emngceleni wePlumtree le Ramokgwebana.

EleBotswana lithi uMphoko wafika eGaborone mhlaka 22 Lwezi, njalo wayekhululekile ukuhlala elizweni njengazo zonke izivakatshi.

UMphoko wayekwele Japan lapho kuhluthunwa umbuso kaMugabe ngamabutho wasesisya kwele Botswana esithi ubalekela umbuso omutsha osanda kuhluthuna intambo eZimbabwe, okhokhelwa ngumongameli uEmmerson Mnangagwa.

Kodwa ngemva kwamalanga, uVenson-Moitoi wathi uMphoko kasekho ngaphansi kwesandla sikahulumende weBotswana, kwabanye, kutshengisa ukuthi kukhona okungahambanga kahle…

“Khonapho uhle ubone ukuthi kukhona okungahambanga kahle. Khumbula ukuthi umongameli Khama uyayijabulela inkokheli kaMnagagwa ngakho ubengafuni ukubonakala ekucele lomuntu owayesekela umongameli Mugabe.”

Njalo okungahlanganiyo ngodaba lokuthi uMphoko wazibuyelela eZimbabwe yikuthi uVenson-Moitoi wayethe uMphoko angahlala njengesethekeli, kodwa imbiko kumaphephandaba isithi kumele aphume kungakadluli mhlaka 1 Mpalakazi…

“Izethekeli zithola amalanga angu 90 ngomnyaka kweleBotswana, uMphoko ubelamalanga ayisitshiyagalo mbili kuphela, uzibuze ukuthi angabe waye ejaheni ukubuyela ekhaya yena ngakwesinye isandla esithi impilo yakhe isengozini. Njalo ungakhangela amaphephandaba aloba ukuthi kuthiwa aphume mhlaka 1, lakanye kwabanjalo.”

Abanye njalo bathi njengoba uKhama esekela inkokheli kaMnangagwa, ngokukhula engathi kabaxotshanga Mphoko, uKhama kafuni ukubonakala engathi ungenela indaba zomdeni, ikakhulu kubandla leZANU PF.

Njalo ngesikhathi uMphoko engcinwe nguhulumende weBotswana, umongameli Khama wahlangana lomongameli Mnangagwa eHarare ngesikhathi sokugcotshwa kumongameli omutsha weZimbabwe.

please wait

No media source currently available

0:00 0:02:06 0:00

Facebook Forum

XS
SM
MD
LG