WASHINGTON —
Umongameli Robert Mugabe ngoLwesihlanu ugcobe izifundi ezedlula inkulungwane eyodwa eziqede imfundo yaphezulu ekolitshini le Chinhoyi University of Technology, lanxa inengi lalezi zifundi lisesabela ukuthi alisoze lithole imisebenzi lula elizweni.
Abazali abakhulume leStudio 7 baveze ukuthi kulukhuni ukubhadalela abantwababo imali yezifundo emakolitshini, njalo lanxa sebeqedile izifundo bayakhathazeka ngokuthi imisebenzi bazayithola ngaphi.
Kuvame ukuthi abantwana laba bengathola imsebenzi bancedise abazali babo ukunakekela imuli zabo, ngokugoqela ukubhadalela abanawabo ezikolo, ukuthenga ukudla, lokunye.
Udubo lokuswelakala kwemisebenzi lubhahile elizweni ngenxa yokuwa komnotho welizwe.
Ukuze sizwe okunengi ngaloludaba, sixoxe loMnu. Promise Mkhwananzi, isiphathamandla secele le MDC elikhokhelwa nguMnu. Morgan Tsvangirai owayeyisiphathamandla senhlanganiso elwela amalungelo ezifundi eyeZINASU.
UMkhwananzi utshele uSithandekile Mhlanga we Studio 7 ukuthi izifundi lezi zigcina zisenza imisebenzi ezingayifundelanga enjengokuthengisa emigwaqweni ngoba ngenxa kokuswelakala kwemisebenzi elizweni.
Kusenjalo, umongameli Mugabe uveze ngoLwesine ukuthi indodakazi yakhe elizibulo uBona laye uzagcotshwa kunyanga ezayo ngemva kokuqedisa imfundo ephezulu phetsheya kwelizwe.
Ungezelele wathi uBona uzatshada lomkakhe uMnu. Simba Makore ekuqaleni komnyaka ozayo.
Abazali abakhulume leStudio 7 baveze ukuthi kulukhuni ukubhadalela abantwababo imali yezifundo emakolitshini, njalo lanxa sebeqedile izifundo bayakhathazeka ngokuthi imisebenzi bazayithola ngaphi.
Kuvame ukuthi abantwana laba bengathola imsebenzi bancedise abazali babo ukunakekela imuli zabo, ngokugoqela ukubhadalela abanawabo ezikolo, ukuthenga ukudla, lokunye.
Udubo lokuswelakala kwemisebenzi lubhahile elizweni ngenxa yokuwa komnotho welizwe.
Ukuze sizwe okunengi ngaloludaba, sixoxe loMnu. Promise Mkhwananzi, isiphathamandla secele le MDC elikhokhelwa nguMnu. Morgan Tsvangirai owayeyisiphathamandla senhlanganiso elwela amalungelo ezifundi eyeZINASU.
UMkhwananzi utshele uSithandekile Mhlanga we Studio 7 ukuthi izifundi lezi zigcina zisenza imisebenzi ezingayifundelanga enjengokuthengisa emigwaqweni ngoba ngenxa kokuswelakala kwemisebenzi elizweni.
Kusenjalo, umongameli Mugabe uveze ngoLwesine ukuthi indodakazi yakhe elizibulo uBona laye uzagcotshwa kunyanga ezayo ngemva kokuqedisa imfundo ephezulu phetsheya kwelizwe.
Ungezelele wathi uBona uzatshada lomkakhe uMnu. Simba Makore ekuqaleni komnyaka ozayo.