amalinks wokungena

Breaking News

Kulokuxokozela Okumangalisayo Phandle Kwamabhanga eZimbabwe


Abanye abantu sebehlala phandle kwamabhanga bemelele imali yabo.
Abanye abantu sebehlala phandle kwamabhanga bemelele imali yabo.

Luqhubekela phambili uhlupho lokuswelakala kwemali eZimbabwe lapho okulendwendwe ezinde phandle kwamabhanga atshiyeneyo.

Abanye abadinga imali yilabo abayiswelayo kungakafiki ikhefu leKhisimusi.

Inhlolisiso eyenziwe yiStudio 7 iveze ukuba amabhanga abalisa ele FBC, ECOBANK, ZB Bank, POSB, CABS, CBZ, Sterward kanye le NMB Bank, yiwo abelendwendwe ezinde okumangalisayo. Amabhanga anjenge Barclays Bank, Stanbic Bank, Standard Chartered Bank le Banc ABC bezinganeno indwendwe phandle kwawo.

Ebhanga le Ecobank bekuxokozela uzulu ekhala ngesiphatho esibi abasitholayo, kungela ochasisa ukuba kuyini inkinga lanxa bevuke emadabukakusa ukuyadinga leyo mali.

Ingcwethi kwezemali zona zithi lesi yisibonelo sokwehluleka kwabamabhanga kanye lebhanga elikhulu lelizwe le Reserve Bank of Zimbabwe elihlezi lithembisa ukuba ukulethwa kwama bond notes kuzaqeda indwendwe lezi.

Uzulu uthi kuyahlupha ukuthola imali emabhanga.
Uzulu uthi kuyahlupha ukuthola imali emabhanga.

Enye yalengcwethi kwezemali, uMnumzana Masimba Kuchera, uthe lokhu akusoze kuphela kuze kulungiswe okuhambelana lezombusazwe eZimbabwe.

Umnumzana Mlondolozi Ndlovu, ongomunye wabehluleke ukuthola imali ngaphambilini kwekhefu, uthe akaboni luphela loludubo kungakafiki umnyaka ka2017.

Uzulu uthi kusekude phambili ukuthi kulungiswe konke okuhluphayo ukuze eleZimbabwe libe lenhlalakahle.

Udaba Esilwethulelwe NguMavis Gama
please wait

No media source currently available

0:00 0:02:33 0:00
Lapho esitholakala khona

XS
SM
MD
LG