amalinks wokungena

Breaking News

Uhulumende Uqinisa Imizamo Yokuthuthukisa Inkampani Yakhe Eye Air Zimbabwe


Inkampani yendizamtshina eye Air Zimbabwe

Emizameni yokuvuselela inkampani yakhe yendizamtshina eye Air Zimbabwe, uhulumende uveze ukuba udinga amankampani akumsebenzi munye okusebenzelana lawo, okuzaphathisa ukuba ibuyele kusimo sayo sakudala ilizwe lingakatholi uzibuse.

Iziphathamandla ze AFRAA emhlanganweni wokwandulela omkhulu ozakwenzelwa eVictoria Falls lonyaka
Iziphathamandla ze AFRAA emhlanganweni wokwandulela omkhulu ozakwenzelwa eVictoria Falls lonyaka

Lokhu kuphume emhlanganweni lentathelizindaba, wokuphawula okusemthethweni amalungiselelo womhlangano omkhulu wamankampani endizamtshina emazweni awezwekazi le Africa, phansi kwenhlanganiso ye Africa Airlines Association – AFRAA.
Wenzelwa eZimbabwe lumhlangano walonyaka wesimatshumi mane lasitshiyagalombili, eVictoria Falls kusukela mhlaka 20 kusiya ku 22 Lwezi 2016, ngoba eleZimbabwe kuyilo eliphethe ubukhokheli beAFRAA lonyaka.

Umnu. Jorum Gumbo umpathintambo wezokuthwala kwabantu lempahla emhlanganweni weAFRAA
Umnu. Jorum Gumbo umpathintambo wezokuthwala kwabantu lempahla emhlanganweni weAFRAA

Umphathintambo wezokuthwalwa kwabantu lempahla uDr Jorum Gumbo utshele intathelizindaba eemkhosini owenzelwe eHarare International Conference Centre – HICC, ukuba uhulumende ezimisele ukuyivuselela linkampani, ibuyele kusimo sayo sakudala.

“I Air Zimbabwe ibisifile, so okwakhathesi sizama ukuthi sithathe abanye sisebenze labo.Sizama ukuthi okwakhathesi uhulumende athathe isikwelede esiku Airs Zimbabwe.Kungaba ngezokuthi lathi silemali zabanye abantu,sifuna ukuthi isikwelede lesi sithathwe nguhulumende,khona thina sizakuba lenkampani entsha,esizaqalisa layo,ukuthi sibe le new Airline e Zimbabwe.So yikho esikwenzayo khathesi”.

UGumbo uthi yikhona bezakhangelisisa lamankampani asetshengise isifiso sokusebenzelana leAir Zimbabwe esitshabalele.

Sibhizi, sidinga ukuthi singasebenza labobani, ukuthi sibone ukuthi iAir Zimbabwe ingabuyela lapho eyayikhona kudala.Okwakhathesi silamankampani amanengi avelela ku Europe,ku Eastern Eerope,e Asia. Sile twelve companiesama Airlines abuna ukuthi sisebenze labo,so i shopping list inde kakhulu,yebo sizozama ukuthi sibone ukuthi sisebenze lobani”.

Unobhala jikelele weAFRAA, uDr Elijah Chingosho uthi kungalesi sizatho uqakatheke kakhulu umhlangano walonyaka.
“Kuyangijabulisa,kungakho bakhethwa ukukhokhela i AFRAA, kutsho ukuthi ezinye inkokheli zamanye amankampani endizamtshina kumazwe akuzwekazi leAfrica akubona ukuba kuyinkampani elakho ukuthuthuka. Kodwa kuyinkampani edinga ukusizwa.Kungakho silapha. Lumhlangano, sitshela umhlaba wonke ukuba lelilizwe lilungele ukuqhuba ibhizimusi, linkampani izimisele ukusebenza,masisebenzeni ndawonye ukukufeza lokho”.
Okungumbono osekelwe ngosaphethe isikhundla somqondisi we Air Zimbabwe enguye njalo umkhokheli wenhlanganiso ye AFRAA lonyaka, umnumzana Edmund Makona.
“Sesize ukuzakuthi sesenze okunengi ukuvuselela inkampanbi ye Air Zimbabwe,kodwa lolu kuluhambo,uhambo hatshi ukuthi sesifikile lapho siya khona. Okwakuqala engingakuthembisa uzulu yikuba linkampani ye Air Zimbabwe kuyinkampani yelizwe. Njengoba ingeyelizwe,kutsho ukuba nxa uzulu weZimbabwe ekhona,inkampani ye Zimbabwe izakwala ikhona layo. Kumqoka ke ukuba lapho kukhangelwa ngezokuthuthukiswa kwalenkampani yelizwe,kudinga usekelo oluvelela kuzulu.Engikutshoyo yikuba sekelanini linkampani kahulumende,sekelanini i Air Zimbabwe”.

Abe AFRAA bathi kumqoka ukuthuthukiswa kwe Air Zimbabwe ngoba ukusebenza kuhle kwayo kuphathisa kuntuthuko yomnotho welizwe kungakho ohulumende kumele bawaphathise amankampani endizamtshina.

Udaba lokuthuthukiswa kwenkampani yeAir Zimbabwe
please wait

No media source currently available

0:00 0:02:19 0:00
Lapho esitholakala khona

XS
SM
MD
LG