amalinks wokungena

Breaking News

Ukutshengisela Kwemuli Zezisebenzi zeHwange Colliery Kungena Kulanga Lesithathu


Ukutshengisela komkabo bezisebenzi zenkampani yamalahle eyeHwange Colliery

Baze baphumelela ukutshengisela imuli zezisebenzi zeHwange Colliery Company, ngemva kokuthola imvumo kwabebutho leZimbabwe National Army sebeke baliswa ngamapholisa.

Ukutshengisela komkabo wezisebenzi zeHwange Colliery
Ukutshengisela komkabo wezisebenzi zeHwange Colliery

Imuli ezedlula amakhulu amahlanu ezitshengiselayo eHCCL zibike ukuba sezileminyaka edlula emihlanu zingaholi kodwa amalahle ayathengwa malanga onke njalo amapholisa kade ebavalela ukutshengisela baze baphiwa imvumo ngabebutho.

UNkosikazi Thobekile Shoko olomkakhe osebenza eOpen Cast uthi kuyafana lokuthi umkakhe akasebenzi UMnu. Farai Ngwenya owatshiya umsebenzi ngomnyaka ka2012 uthi lokhe watshiyayo kakaze aphiwe imali zakhe azithenjiswayo.

Hwange Colliery Company
Hwange Colliery Company

Omunye njalo owatshiya uMsebenzi uNkosikazi Doreen Tshuma uthi abantu bazikhethela ukutshiya umsebenzi ngoba bekungasasizi ukuqhubeka. Ethi incwadi zokubaxotsha ezindlini seziyingqwaba ezindlini njalo inkokheli ezikhona kumele zitshiye izikhundla aziphume ngoba sezehlulekile ukusebenza labantu

Ababeyizisebenzi zeHCCL sebetholiswe incwadi zokuthi baphume ezindlini zenkampani kodwa bona bathi abasoke bephume baze baphiwe imali zabo kulandela isinqumo somthethwandaba weHigh Court sokuthi batholiswe imali zabo zonke.

Ukutshengisela komkabo bezisebenzi zeHwange Colliery
Ukutshengisela komkabo bezisebenzi zeHwange Colliery

Ngomnyaka odlule izisebenzi zeHCCL zike zaholiswa impuphu lezitina inkampani isithi ayilamali kodwa izikhulu zenkampani zihleli kamnandi. Bekungela odobha incingo kumawofisi onke eHCCL umsakazo waze waya emoyeni. Abatshengiselayo bathi bazatshengisela konke kuze kulunge.

Udaba lokutshengisela kwabomkabo bezisebenzi zeHwange Colliery siluphiwa nguAnnahstacia Ndlovu
please wait

No media source currently available

0:00 0:05:38 0:00

Facebook Forum

XS
SM
MD
LG