amalinks wokungena

Breaking News

'Yikudelela Abantu Ukufuna Ukuvala Izikolo eMatabeleland'


Bafuna ukuvala izikolo ezinengi eZimbabwe.
Bafuna ukuvala izikolo ezinengi eZimbabwe.

Abantu bazonde baganunwabu ngenkulumo kanobhala wogatsha lwezemfundo eZimbabwe othi izikolo ezingamatshumi amane zilakho ukuvalwa ezansi yeMaNdebeleni ngoba zilenani eliphansi labafundi okudalela lezo zikolo lohulumende indleko enkulu.

lzakhamizi zeMaNdebeleni zithi uhulumedne uma eseswele okokwenza kaphume embusweni ayekele ukwephula amalungelo ezifundi.

Abantu bathi uhulumende kumele akhumbule ukuba izikolo zivele zingumango omude kulemizi njalo inengi labafundi lifundiswa ngababalisi abangazi ulimi lwabafundi okubangela ukuba lenani labafundi abaphumelela esikolo lehle.

Isikhulumi sebandla leZAPU, uMnu. Iphithule Maphosa, uthi inkulumo kaNkosikazi Masango ngeyomuntu ongazi ngezemfundo ngoba abantwana noma bebalutshwana balelungelo lokufunda.

UMnu. Josphat Mzaca Ngulube uthe yingabomo ekhulunywa ngumabhalane wezikolo ethi kwaqala kwavalwa amankampani sebefuna lokuvala izikolo.

Indaba yenkethabetshabi ekubusweni kwelizwe ethi yikho osekuphazamisa labafundi njalo labazali abalamali yokubhadalela indleko yemfundo.

UMnunzana Phathisa Nyathi, ingcwethi kwezembali, usole kakhulu inyathelo likahulumende esithi abafundi balelungelo lokufunda ngakho-ke uhulumende ufuna ukwethulela bani umthwalo wokufundisa abantwana.

UNkosikazi Sichasisile Ndlovu weGwanda Community Youth Development Trust uthi izikolo ezivele kumele zivalwe ngezisendaweni yamapulazi okwahlaliswa kutsha abantu ngakho-ke sokuzakwengeza kunhlupho ezivele zikhona ezigoqela ukukhuphuka kwenani labangafundanga kulumhlubulo.

Izikolo ezinengi emaphandleni abafundi bahamba umango omude, izakhiwo ezikhona azifanelanga ukufundela njalo ababalisi bayasilela.

Kwezinye izikolo amanzi lezambuzi akula okwenza ukufunda kubenzima lenani labafundi abaphumelela kumihloliso liqhubeka liphansi kakhulu.

Udaba Esilethulwe Ngu Nompumelelo Moyo
please wait

No media source currently available

0:00 0:02:51 0:00

XS
SM
MD
LG