amalinks wokungena

Breaking News

Uzulu WakoBulawayo Uthi Laye Uselubhekisa Emazweni


Abako Bulawayo bathi ababoni gunquko ngomnyaka omutsha ka2016 bekhangelele lokuthi kungabanzima ngamandla ikakhulu kwezomnotho.

Abanye besithi sebecabanga labo ukuphuma elizweni besiyadinga amadlelo aluhlaza kwamanye amazwe, njengenengi.

Ngesikhathi amathemba empilo emnandi esiya etshabalala kunengi eZimbabwe, izizalwane zakoBulawayo zithi aziboni kungaba lenguquko ngomnyaka omutsha ka2016. Bathi bakhangelele ukuthi umumo uzaba mubi ngamandla ukwedlula eminye iminyaka nanku umkhathi usuguquka njalo lonyaka kukhangelelwe ukuba lendlala enkulu ngenxa leyezi leEl Nino elivame ukungezi lezulu kumbe elinengi kakhulu elilolaka.

Unkosazana Melvis Mpofu uthi hayi u2016 angabamunyu ukwedlula u2015 ngoba kungelathemba lokuthi usizo luzovela kuphi.

Kukanti umnumzana Jacob Mudimba uthi sebekhangele kophezulu ngoba phansi kumnyama kungabonakali ukuthi inhlansi yempilo entsha ingavela ngaphi.

Ugogo Siletheni Moyo uthi ngesikhathi izulu lisalela phezulu lemali iyemvela ka nci, u2016 uzaba nje njalo.

Osakhuluyo uJarvas Nkonjeni uthi ukukhala akusizi yikho yena sebone kungcono ukuphutha imitshaqana yakhe ayedinga umsebenzi kweleBotswana.

Umnyaka ka2015 kawuphelanga kahle kunengi ngesikhathi uhulumende esehluleka ukuholisa izisebenzi ngesikhathi njalo lomumo womkhathi ungathembisi izulu lingani njalo kutshisa gqo.

XS
SM
MD
LG