amalinks wokungena

Breaking News

UMnu. Solomon Madzore Uzaqhubeka Esesitokisini


Madzore Solomon
Umkhokheli wabatsha kucele leMDC elikhokhelwa nguMnu. Morgan Tsvangirai, uMnu. Solomon Madzore usezaqhubeka evalelwe okwamanye amalanga ayisikhombisa ngemva kokuba umththwandaba usebenzise ingxenye yomthetho evimba inhlawulo yemali yesibambiso eye bail, eBindura ngoMvulo.

Umtshutshisi, uMnu. Munyaradzi Mataranyika usebenzise ingxenye yomthetho we Criminal Procedure and Evidence Act ngemva kokuba umantshi uMnu. Elisha Chingano enqume ukuba uMadzore ahluwiliswe isibambiso sekhulu lamadola ngoba engakaze abalekele elinye njalo icala elilesisindo alethetheswayo elokubulala ipholisa.

UMadzore ubotshwe ngeviki edluleyo esetheswa icala lokuthuka umongameli lapho abikwa ethe uMugabe ufana ledonki eqhulayo. Kodwa uyalilandula lelicala.

Kubikwa bekugcwele ontanga beMDC phandle komthethwandaba behlabela ingoma ezikhuthaza ukukhululwa kukaMadzore okubangele ukuthi amapholisa afune ukubopha enye inkokheli.

Kodwa unobhala jikelele wentsha yalelibandla, uMnu. Promise Mkhwananzi utshele iStudio 7 ukuthi amapholisa ehlulekile ukubopha ngitsho loyedwa ngoba bekhulelwe linani labontanga laba.

please wait

No media source currently available

0:00 0:01:31 0:00
Lapho esitholakala khona
XS
SM
MD
LG