amalinks wokungena

Breaking News

UMakone Usola Amapholisa Ngokuhlukuluza Uzulu


Omunye wabaphathintambo ababona ngendaba zaphakathi kwelizwe uNkosikazi Theresa Makone sesole amapholisa ngokuqhubeka ehlukuluza uzulu mahlayana endaweni ezitshiyeneyo zelizwe.

Embikweni awethule ngoLwesihlanu, uNkosikazi Makone, yena olilunga leMDC ekhokhelwa nguMnu Morgan Tsvangirai uthi amapholisa sehlezi ehlukuluza uzulu endaweni ezigoqela iNkayi, Harare, Manicalanda lezinye.

Umbiko lo ulandela ukutshaywa kwabathengisayo ezitaladeni zeHarare ngoLwesithathu lokubotshwa kwabathengisa esitolo seMDC kaMnu tsvangirai eHarare ngoLwesine.

UNkosikazi Makone uthi seke wakhulumisana loMongameli Mugabe kanye losikomitshi wamapholisa uMnu Augustine Chihuri ngokuziphatha kwamapholisa kodwa inkulumo lezi azila nguquko eziyilethileyo.

UMakone uthe lanxa engelamandla wokumisa amapholisa ukuhlukuluza uzulu, uzaqhubeka ngemizamo yakhe yokwenqabela ukuhlukuluzwa kukazulu mahlayana.

Owake waba ngummeli weNkayi edale lephalamende njalo engumsekeli kanobhala obona ngokuqhutshwa kwenhlelo zeMDC kaTsvangirai uMnu Abednico Bhebhe uchasise okwenzakalayo esigabeni sakhe.

XS
SM
MD
LG