amalinks wokungena

UManisipala weHarare Ufuna Izakhamizi Zibhadale Zonke Izikwelede

  • Mavis Gama

UManisipala ufuna kubhadalwe zonke izikwelede.

UManisipala weHarare usesebenzisa indlela ezitshiyeneyo zokwethusela izakhamizi zeHarare ukuze zibhadale izikwelede esezithethe isikhathi eside zingabhadalwa.

Izikwelede lezi sezilandelwa ngamehlo abomvu yinkampani elonda izikwelede ebizwa ngokuthi yi-WellCash Debt Collectors.

Izakhamizi lezi, inengi kuyilezo ezahlala edolobheni leHarare kusabusa abelungu, zimangaliswe yikuba zithunyelwe lezincwadi phakathi kwenyanga edlulileyo ebezivelela kwabenkampani le esisebenzisana lomanisipala zatshengisa ukungazizwisisi.

Abakhulume leStudio 7 elokitshini leDzivarasekwa bathe lokhu akusikho kokuqala ngoba iWellCash Debt Collector yake yathunywa njalo ukuthi ikwenze lokhu.

Bathi konke lokhu kwenziwa kungelancazelo ebasuthisayo abayithola ivelela kunkokheli kamanisipala ukuba imali le isingevelela kuphi njengoba uhulumende wesula izikwelede zomuntu wonke kungakenziwa ukhetho luka 2013.

UNkosikazi Monica Chizema, wasemzini weDzivarasekwa, umfelokazi oleminyaKA engamatshumi ayisikhombisa yokuzalwa njalo useleminyaka engamatshumi amane lasithupha ehlala kulomuzi, ngomunye wabathole lingcwadi kuthiwa wakha isakhiwo esingekho emthethweni okuyinto ayilandulayo.

Incwadi lezi zikhuthaza izakhamizi ukuba kumele zihlawule limali amahola angamatshumi amane lasitshiyagalombili angakedluli.

Inkokheli yezakhamizi esebenzelana lenhlanganiso ye Harare Residents Trust ithi balutshwana kakhulu abangazitholiswanga lezingcwadi ezivelele ngakwabenkampani ye WellCash emzini we Dzivarasekwa.

Kodwa isikhulumeli sikamanisipala, uMnu. Michael Chideme uthi kusemthethweni lokho osekusenziwa ngumanisipala okuzosiza ukuthi athole imali yokusebenzisa ukuqhuba imisebenzi yokulondoloza idolobha.

UChideme uthi umanisipala ethethe lelinyathelo ngoba sesiside isikhathi uzulu weHarare engazihluphi ukuzihlawula lezi zikwelede.

Imizamo yokukhulumisana lbenkampani ye WellCash yehlule ngoba belungaphendulwa ucingo lwabo.

XS
SM
MD
LG