amalinks wokungena

Breaking News

Abaphikisa Uhulumende Bathi Kafunakali uSibusiso Moyo Kukhetho Kwele Botswana


UMkhokheli womanyano weUmbrella for Democratic Change ukhuluma lozulu kwele Botswana

Abomanyano wamabandla aphikisayo kwele Botswana okulibandla leUmbrella for Democratic Change (UDC) bathi sebeme ukusebenzelana lequla leSouthern African Development Community (SADC) elizeqapha ukhetho oluqhutshwa ngoLwesithathu.

Inkokheli yomanyano weUmbrella for Democratic Change ...
Inkokheli yomanyano weUmbrella for Democratic Change ...

Bathi kabamukeli umkhokheli waleli qula ongumphathintambo wezobudlelwano beZimbabwe lamanye amazwe, uMnu. Sibusiso Moyo, abathi sebethole imibiko emibi ngaye yokuqilibezelwa kokhetho eZimbabwe.

Emhlanganweni labezindaba oqhutshwe yileli bandla eGaborone kweleBotswana, iziphathamandla zalo zithi zikhathazeke kakhulu ngezinto ezinengi ezingahambi kuhle kulolukhetho.

Okhokhela ezokuxhumana phakathi kwebandla leUDC lozulu, uMnu. Moeti Mohwasa, uthi usizi yikuthi sebelahlekelwe lithemba lonke lokuthi iqula leSADC elizoqapha ukhetho lizawenza ngokuhlonipheka umsebenzi walo.

Uhlupho olukhulu uthi ngumphathintambo obona ngezobudlelwano beZimbabwe lamanye amazwe umnumnzana Sibusiso Moyo.

Abalandeli bomanyano weUmbrella for Democratic Change
Abalandeli bomanyano weUmbrella for Democratic Change

“Sesithole imibiko ekhombisa ubudlelwano obukhulu phakathi kukaMoyo lenhlanganiso eyasiza ukuqilibezela ukhetho eZimbabwe.”

Isizalwane seZimbabwe, uMnu. Greatman Mkhwebu, uthi uyavumelana kakhulu lombono webandla leUDC ngodaba lukaMoyo.

“Kambe yona iSADC iyenzani ma izathatha umuntu wecoup, ithi sikhokhelele. Ezama ngazo zonke indlela ukuthi abantu bahlukumezeke besale besesaba, ukuze iqembu lakhe leZanu pf lihlale liziphethe esidukwini. Okukhomba ukuthi yini engamehlula ukuthi enze okufanayo eBotswana. Ngithi vele abamale uMoyo ukukhokhela ukhetho. Kathembakali vele lubaba.”

Abalandeli bomanyano weUmbrella for Democratic Change
Abalandeli bomanyano weUmbrella for Democratic Change

Umkhokheli webandla leUDC, uMnu. Duma Boko, uthi enye yezinto abazayisukumela phezulu nxa bengangena kuhulumende yikuncedisana leZimbabwe ekuvuzeleleni umnotho wayo.

Uthi bazadinga amabhizimusi abangabambisana lawo leZimbabwe okufana lokuthi iZimbabwe imbe amatshe ohlobo lweNickel iwathumele eSelebi-Phikwe eBotswana ayephakwa khona.

Ngales’iskhathi-ke besancedisa iZimbabwe ukuvuselela umnotho wayo uthi kuzabe kulendaba ezinhle kwabe Zimbabwe abafuna ukuzosebenza kwele Botswana.

“Thina singangena embusweni asizukuchitha imali sibuyisela amaZimbabwe angene kuleli emuva kodwa zizathumela amabhasi ayebadinga bazosebenza kuleli.”

UBoko uthi okuzaguqula inhlupho ezibhekane leAfrica yonkana yikuthi intsha isukume ithathe intambo zombuso hatshi ukuthi ivume ukucandelwa ikusasa yilabo abangelandaba layo njengoba besazi ukuthi bazabe bengasekho.

Kafunakali uSibusiso Moyo Wakwele Zimbabwe Ekuhlolisiseni Ukhetho eBotswana
please wait

No media source currently available

0:00 0:02:59 0:00


Facebook Forum

XS
SM
MD
LG