amalinks wokungena

Breaking News

Umanyano weEU Uhluza Udaba Lwezijeziso zeZimbabwe


Umphathintambo weleBhilithani obona ngobudlelwano balelolizwe lamanye amazwe ukhangelelwe ukuhlangana leziphathamandla zamazwe aseEurope laweAfrica namuhla bekhulumisana ngodaba lweZimbabwe.

UMnu Boris Johnson uzahlangana leziphathamandla lezi emhlanganweni omkhulu ophakathi kwamazwe asezwekazi leEurope laweAfrica, oweEU Africa Summit kweleIvory Coast.

Umhlangano wamazwe lo ujonge ukuqinisa ubudlelwano phakathi kwamazwekazi womabili njalo uzaphatha kabanzi udaba wenzalo yaseAfrica engena eEurope mihla lamalanga ngemikhumbi.

OkaJohnson umhlangano leziphathamandla zeEU lezeAfrica bazawenzela eceleni sebephumile kulo owamazwekani njalo bakhangelelwe ukukhuluma ngodaba lokuthi kususwe yini izijeziso ezafakelwa eleZimbabwe njengoba sokulohulumende omutsha.

EleBhilithani, eleMelika leleChina ngamanye amazwe asetshengise ukuzimisela ukusebenza lohulumende kaMongameli Emmerson Mnangagwa.

Iziphathamandla zeBhilithani lezeMelika beziseZimbabwe ngeviki edluleyo njalo ziphathekile emkhosini wokugcoba uMnangagwa.

Iziphathamandla zakweleChina zona zifika eZimbabwe ngoLwesithathu ukuyabonana loMnangagwa leziphathamandla zikahulumende wakhe.

Facebook Forum

XS
SM
MD
LG