amalinks wokungena

Uzulu Usola Ukubotshwa Kuka Evan Mawarire

  • Mavis Gama

UMfundisi Evan Mawarire wenhlanganiso ye #ThisFlag.

Uzulu usola kakhulu ukubotshwa kuka Mfundisi Evan Mawarire owenhlanganiso ye #ThisFlag obotshwe ngoLwesithathu wetheswa icala lokuzama ukususa uhulumende kaMongameli Robert Mugabe okungekho emthethweni.

Abantu abanengi bathi kasikho isizatho sokuthi ubotshelweni uMawarire owabaleka eZimbabwe esesabela impilo yakhe kulandela ukutshengisela kwabantu abanengi ezitaladini eZimbabwe bekhala ngokugugudeka komnotho lokukhahlamezwa kukazulu nguhulumende.

Umfundisi Mawarire ubeselenyanga eziyisithupha selokhe wasukayo esiya kweleMelika ngemva kokuba eke wabotshwa esetheswa icala lokutshotshozela uzulu ukuba ahlamukele uhulumende njalo lelokuthi wayefuna ukususa uhulumende embusweni okungekho emthethweni.

Abenhlanganiso yamakholwa esiKrestu, eye Christian Voice Zimbabwe (CVZ), bathi bathithibele ngokubotshwa kwakhe bethi ufela ukuqhuba umsebenzi wokuveza ukubandezelwa kwabantu elizweni.

Umqondisi we CVZ, uMfundisi Clement Tapfumaneyi Zenda, uthi kabalizwisisi icala elidalwe nguMawarire.

Umfundisi Duduzile Nyirongo laye usole ukubotshwa kukMawarire esithi kumele akhululwe ngoba singekho isizatho sokumbopha.

FILE: UMawarire kuthiwa wakhanga uzulu ukuthi ahlamukele uhulumende.
FILE: UMawarire kuthiwa wakhanga uzulu ukuthi ahlamukele uhulumende.

UMnumzana Paul Siziba, isakhamuzi seMganwini koBulawayo, laye usisole kakhulu isenzo lesi.

Imizamo yokukhulumisana lamagqwetha kaMawarire yehlule njengoba bebegijigijima bezama ukuthi akhululwe esitokisini seHarare Central Police Station.

Isikhulumeli somkhankaso we #This Flag Campaign, uNkosazana Nyasha Musandu, utshele intathelizindaba ukuba amapholisa abelokhe emgcinile enkambeni, elelinye lamagqwetha, uAdvocate Fadzai Mahere, emlondoloza lapho esemapholiseni.

Ngesikhathi loludaba lulotshwa ubelokhu egciniwe enkambeni ye Harare Central Police Station uMfundisi Mawarire.

Facebook Forum

XS
SM
MD
LG