amalinks wokungena

Breaking News

Umbalisikazi weLumene Primary Uxotshwa Esikolo Ngabazali


Lumene Primary School

Abazali besikolweni seLumene, esingenyakatho yeGwanda babikwa sebexotshe umbalisikazi esikolo, bemethesa umlandu wokufundisa abantwababo ukukhonza uSatan.

Lisindibaphenduli ibikwa iqale ngomnyaka ka2016 lapho abafundi baqala ukuqaleka okwakungajwayelekanga. Ngalesosikhathi bekulohlelo lwezempilakahle lokunathisa izakhamizi amaphilisi wokulwisana lomkhuhlane woqhuqho kungakho inengi lacabanga ukuthi lawamaphilisi kahambelani lemzimba yabantwana.

Lumene village
Lumene village

Ukuqaleka kwabantwana lokhu kubikwa kuqhubekela phambili kuze kube lalamhlanje okudale ukuthi izakhamizi zibize umprofethi owabamba ababalisi ababili emoyeni.

USobhuku uConern Dube uyayilandisa lindaba.

“Ngemva kokukhuleka kukamama lo kwacina kuvumbuluka ukuthi kulamaring ayesetshenziswa ngabantu ababili, amaring layo kwakungani yiyo asukisela athathela ukuwa kwabantwana so amaring acina evunyelwana ukuthi ayetshiswa labanini labo.Okunye ngemva kokuwa abantwana babekhuluma ukuthi basetshenziswa nguMiss othize esikolo seLumene, babemqamba ngebizo lowoMiss.”

Lumene Primary School
Lumene Primary School

Omunye umzali olomntwana oqalekayo ongathandanga ukubethwa ngegama uveze ukudana ngesenzo salumbalisi esithi abantwana sebeze besesaba lokuya esikolo.

“Uyazi nxa umntwana wakhona esewila la vele uyathi ngumuntu ofileyo, uyabe engani ngumuntu ongelathambo into nje ukuthi uyaphila uyambona emehlweni kodwa yena ngokwakhe kuyabe kusetheswa abantu abangamadoada bayabe bekhala bengambona ewile odriver bezimota besima bamangale ukuthi kuyini khonalokhu, umntwana uyabe efile engadikizi kodwa edikiza emehlweni kuphela.”

Ugogo lo ugcizelele wathi lapho abantwana bephaphama bayatsho ukuthi bayabe befundela ubusatane lombalisikazi lo.

“Ngemva kwesikhathi eside uyavuka kanti kuyini akhulume khonalokhu besihambile kuthwa singene emanzini elwandle bebesithi kangingene khona bazanika imali sizaba ngabayanga.Okokucina esiyacina kathesi walala isikhathi eside ngiyabona walala 6 hours wathi sebefuna igazi yinto eyangenza ngayavusa umsindo esikolo.”

Lumene Primary School
Lumene Primary School

Esinye njalo isakhamuzi uMnu. Ophias Ndlovu uthi abazali bakhathazekile ngalokhu abakuzwa kuphuma emlonyeni yabantwababo.

“Kulendawo abathe bakhuleka khona ukuze izimota zibhewuke liqiniso sibili duze leturn off yeLumene imota sezike zawa siyakubonwa kwenzakala kanti njalo kulesihlala abasithandelayo sileribbon sike sacela abadala bahamba bayatshisa abadala sesiphil;a ngokwesaba esigabeni singesethu yikho sikubonile kufanele ukuthi hayi kaphume mhlawumbe singabona umahluko.”

USobhuku uDube uthi besezihlalela evalweni izakhamizi kungakho zibize umhlangano ngoMvulo zaphuma lesinqumo sokuthi lumbalisis athathe imitshaqana yakhe aphume aphele kulesisikolo. Izakhamizi zimkhaphe wayagada esititshini.

“Izikolo sezizovulwa kubelomntwana owileyo umntwana lo uthe sevuka watsho ukuthi abantwana abakade besetshenziswa yiluMiss bebebanengi okunye okumangalisayo bebethethwe bahanjiswa elwandle izikolo zivaliwe njengabazali beLumene sithe okwakathesi esikolo sethu kame angabikhona esikolo seLumene abazali bathi hayi abasafuni kungangcono ayesebenza kwezinye indawo.”

Loludaba lubikwa selufikile endlebeni zikakhansila, Induna uMasuku kanye lasemapholiseni.

Lumene Primary School
Lumene Primary School

Osaphethe isihlalo somqondisi wezemfundo eZansi yemaNdebeleni uMnu. Lifias Masukume uthi udaba lobuthakathi lolu baluzwile njalo basaluphenya.

UMasukume uthe bekungakafiki endlebeni zakhe ukuthi umbalisi usexotshiwe esikolo kodwa uthi bake bathumele ingcitshi zokuyaduduza abantwana amapsychologists asuka kugatsha lwezemfundo.

UMnu. Thandeko Zinti Mnkandla ingcwethi kwezamasiko njalo engumfundisi kubandla leMethodist uthi le yimphicabadala.

“ISatanism yindaba eyaba yimphicabadala insindabaphenduli ngoba yindaba ehambelana lezinto ezikholwa ngabantu asozinto ezibonakala ngamehlo kumbe ongazibamba ngezandla ngakho ukuthi lowombalisikazi weLumene ebefundisa abantwana iSatanism angazi ukuqiniseka kwakho lokhu okuyinto ngoba kunzima kakhulu kwabanye bethu ukuthi sikukholwe kodwa njengoba ngitshilo indaba zokukholwa ziyakhathaza ngokuba yileyo laleyo inhliziyo ikhetha lapho ethanda khona.”

Imizamo yokuxoxisana lalumbalisi iyehlule ngoba ebengekho esikolo kanye lomphathisikolo lapho iStudio 7 ivakatshele khona izolo kuthi ababalisi abakade bekhona bathe lindaba ingaphezu kwamandla abo.

Phambilini bekulicala ukuthi uyethese umuntu umlandu wokuthakatha kodwa ngemva kokuguqulwa komthetho umthakathi ulakho ukubotshiswa kodwa udubo lusuka lube yikuswelakala kobufakazi emthethwandaba.

please wait

No media source currently available

0:00 0:05:49 0:00

Facebook Forum

XS
SM
MD
LG