amalinks wokungena

Breaking News

Human Rights Watch: Abengahlonitshwa Amalungelo Oluntu eAfrica ngo2017


Human Rights Watch

Inhlanganiso le, ithi ezokuhlonitshwa kwamalungelo oluntu eAfrica jikelele azizange zithokozise kangako ngo 2017, lobanje kuleminye imikhakha yokuhlukunyezwa koluntu ebinganeno.

Umqondisi wenhlanganiso yeHuman Rights Watch uMnu. Dewa Mavhinga
Umqondisi wenhlanganiso yeHuman Rights Watch uMnu. Dewa Mavhinga

Esethula umbiko wale inhlanganiso eJohannesburg, umqondisi wayo emazweni asezansi yezwekazi le Africa umnumnzana Dewa Mavhinga uthe iZimbabwe ngelinye lamazwe angenzanga kuhle kakhulu ngo 2017.

Emnyakeni ka 2017 ukwephulwa kwamalungelo oluntu bekuvamile eZimbabwe. Lokhu kugoqela ukusetshenziswa kodlakela ngamapholisa kulabo abebetshengisela ngokuthula bephikisana lohulumende. Okukhathazayo yikuthi amapholisa lenhloli zikahulumende abephula amalungelo oluntula abakaze bajeziswe ngalokho.

Uthi njalo okunye abakutholileyo eZimbabwe yikuthi ngesikhathi ibutho lithatha intambo zombuso kumongameli Mugabe, kulabanengi abangunguna ngokuthi kwephulwa amalungelo abantu, kugoqela lokuhlukunyezwa okwenziwa owaye ngumphathintambo wogatsha lwezemali umnumnzana Ignatius Chombo. Uthi bakhathazekile ngokuthi uhulumende akathathi manyathelo okuhlolisisa lezi insolo ukwenzela ukuthi labo abakwenzayo bajeziswe nxa bengatholakala belecala.

Umnumnzana Mavhinga uthi okukhathazayo yikuthi lobanje sekusele inyanga ezimbalwa ukuthi kuqhutshwe ukhetho eZimbabwe, ayikho inguquko esikhona esiyenziwe nguhulumende kamongameli Mnangagwa ngenhloso yokuthi lolukhetho lube lungolukhululekileyo.

Uthi kuqakathekile ukuthi kwenziwe inguquko enkulu kwezokuqhutshwa kokhetho ezakwenza kube lokuhlonitshwa kwamalungelo ezintatheli, abalwela amalungelo oluntu, ebenhlanganiso zikazulu, abamabandla ezombusazwe kanye lozulu jikelele.

Emhlanganweni wenhlanganiso eye Human Rights Watch 2017 kusethulwa umbiko wayo wokulondolozwa kwelungelo loluntu
Emhlanganweni wenhlanganiso eye Human Rights Watch 2017 kusethulwa umbiko wayo wokulondolozwa kwelungelo loluntu

Le yinkuthazo emukelwa kakhulu linengi leZizalwane zeZimbabwe elemukela ngezandla zombili umbiko wenhlanganisole evikela amalungelo oluntu.

Isiphathamandla sebandla leZapu kweleSouth Africa umnumnzana Future Msebe uthi iphutha elikhulu okufuze lilungiswe eZimbabwe yikuphathwa kwebutho lamapholisa njengohlangothi lwebandla leZanu PF.

Ilizwe lizimele lodwa lilamalunga alo afana lamapholisa, le army, le court amajaji. Konke lokhu kufanele kwehlukane lepolitiki yelizwe okokuthi amajaji akumelanga angenele lokhu okwenzakala kupolitiki yelizwe, amasotsha aphinde angenele kulokhu okwenzakala kupolitiki yelizwe and lamapholisa lawo akumelanga angenele kulokhu okwenzakalayo phakathi kwelizwe.

Umnumnzana Mandlenkosi Mkhwananzi yena uthi, okuzalungisa inhlupho zeZimbabwe yikuthi uhulumende kamongameli Mnangagwa aqale avume mgceke amaphutha afana leGukurahundi enziwa nguhulumende kusukela lapho zonke izinto zizavunywa kuthethelelwane.

"Sicela an official statement, an official apology ukwenzela ukuthi phela ngeke sixolele umuntu engaxolisanga. Sezwa kuthiwa yi moment of madness nguMugabe sekwadlula. Sekungene lo omutsha uMnangagwa. Sicela ukuthi athathe isikhathi sakhe ahlale phansi akhulume ngayo indabale. Asitshengise ukuhlonipha lokuthinje bayasazi ukuthi sikhona silokhe sisebuhlungwini"

.

Akusiyo yodwake iZimbabwe eyenze kubi. ESouth Africa inkohlakalo kubikwa yephule amalungelo oluntu ngokubangela inhlupheko lokusilela kwemisebenzi. Ukungajeziswa kwabebesephula amalungelo oluntu ngesikhathi kulwisana uhulumende lamasotsha ebandla leRenamo eMozambique lakho kutshiye le inhlanganiso ikhathazekile.

ISwaziland layo iyasolwa kulo umbiko ngokwethula imithetho elukhuni eqondiswe kulabo abangavumelani lombuso wenkosi UMswati wesithathu.

Udaba lombiko wabeHuman Rights Watch siluphiwa nguBenedict Nhlapho
please wait

No media source currently available

0:00 0:03:43 0:00


Facebook Forum

XS
SM
MD
LG