amalinks wokungena

Breaking News

Umbuthano WabesiKalangeni AbaseSouth Africa Uphumelela Okwamagama


Umbuthano wabesiKalangeni kweleSouth Africa

Izizalwane zeZimbabwe zosendo lwesiKalangeni ezedlula inkulungwane bezibuthene eHillbrow Theatre eJohannesburg ngempelaviki emkhosini wokuthakazelela amasiko lokubuthanisa imali yokubhala izingwalo ngolimi lwesiKalanga. Bekubukiswa njalo izinto ezitshiyeneyo zesiKalangeni ezibalisa amasiko, umculo, ukudla, imigido lokunye.

Iholu yeHilbrow Theatre ibigcwele iphuphuma emkhosini wokuthakazelela amasiko esiKalanga lokudinga imali zokuloba izingwalo ngalolulimi.

Umnumnzana Ntando Dumani, uNobhala weNhlanganiso yeKalanga Language and Cultural Development Association (KLCDA) okuyiyo eqoqe lumkhosi uthi kumthokozise kakhulu ukubona inkulungwane yabesiKalangeni bebuthene ngesiko labo lokuthuthukisa ezemfundo.

Umnumnzana Dumani, uthi lobanje bethole imali ethe xaxa, inengi ezasilela njengoba kuhlandla lakuqala bedinga amarandi azinkulungwane ezingamatshumi ayisithupha (R60,000) ukuze kuqale ukulotshwa lezi ingwalo.

Esinye isiphathamandla se KLCDA umnumnzana Gerald Ncube yena okhuthaza osomabhizimusi beZimbabwe labanye abafuna ukuba yingxenye yaloluhlelo ukuthi baxhase loluhlelo ngemali.

Unkosazana Mendy Dube uthi bekutshutshuma lokunukelela izibiliboco zesikhalangeni kulo umkhosi.

Intombi yakoMadlambudzi unkosazana Patricia Ngwenya uthi indlela obekuthengwa ngayo lokhu kudla imtshiye ebambe owangaphansi.

Obekucaca sobala yikuthi lapho okuhlangene khona AmaKalanga injabulo ikhona.

Lobanje bekhona ababili abathathu abesebegida besedlulisa amalawulo ngenxa yamadlabuzane lentokozo obekukhona, bekungokokuqala embalini yezizalwane zeZimbabwe ukubona zibuthene ngaloluya hlobo kungelandaba zombusazwe phakathi.

Abenhlanganso ye KLCDA bathi bazaqhuba umhlangano wabalobi besiKalanga umnyaka ungakapheli ukwenzela ukuthi kuthi kusungula u2016 lokulotshwa kwezingwalo lezi lakho kuqala.

please wait

No media source currently available

0:00 0:03:01 0:00
Lapho esitholakala khona

XS
SM
MD
LG