amalinks wokungena

Breaking News

Umcebisi KaZuma Uthi Alusoze Lwenziwe Lonyaka Ukhetho


Iqula likaMongameli Jacob Zuma weleSouth Africa elihlangane labameli beZanu PF leMDC eCape Town ngeviki edluleyo lithi lanxa kusesekunengi okumele kulungisiswe kumhlahlandlela wokhetho oqoqwe ngamabandla la-iRoadmap, liyajabula ngengqubela phambili esibekhona ekucandeni indlela yokhetho.

Umhlahlandlela lo kuzamele ulungisiswe uphele kungakenziwa umhlangano weSadc wokuhlaziya udaba lweZimbabwe eNamibia mhlaka 20 kuyonale inyanga.

Abamela amabandla akuhulumende womanyano kunkulumo zokuxazulula udaba lweZimbabwe bathi bazahlangana njalo kuliviki bekhulumisana ngokuthi ukhetho lungenziwa nini. Bakhangelele ukuba sebevumelene kulokhu umhlangano weSadc ungakafiki.

Umcebisi kaZuma uNkosazana Lindiwe Zulu, ekhuluma emhlanganweni obuqoqwe zinhlanganiso ezizimeleyo ePretoria, uthe ukhetho lweZimbabwe alusoze lwenziwe lonyaka ngoba kukunengi okungakalungisiswa.

UNkosazana Zulu ugcizelele amazwi akhe kungxoxo ayenze leStudio 7, lapho aveze khona ukuba basazowuhlaziya umhlahlandlela wokhetho loMongameli Zuma, balungisise lapho ababona kusilela khona.

XS
SM
MD
LG